ត្រឡប់ទៅបញ្ជីសៀវភៅវិញ

ព្រះគ្រីស្តមានព្រះជន្មរស់ឡើងវិញ បទពាក្យ ៧

(២ ធីម៉ូថេ ២,៨.១១-១៣)

៨ចូរនឹកដល់ព្រះយេស៊ូនោះមានព្រះជន្មរស់ឡើងវិញផង
ព្រះអង្គជាប់ព្រះញាតិវង្សនៃដាវីឌអង្គម្ចាស់ក្សត្រា។
១១ពាក្យនេះគួរឱ្យយើងជឿជាក់ដោយឥតលៀមលាក់យ៉ាងច្បាស់ថា
ប្រសិនបើយើងគ្រប់កាយាព្រមរួមវាសនានឹងព្រះអង្គ។
បើយើងព្រមរួមរស់រួមស្លាប់នោះពិតជាគាប់ពេកកន្លង
យើងនឹងបានរស់ជីវិតផងរួមនឹងព្រះអង្គគ្មានកែប្រែ។
១២បើយើងជាអ្នកចេះស៊ូទ្រាំទោះជាយូរឆ្នាំយូរថ្ងៃខែ
នោះព្រះជាម្ចាស់នឹងគង់ក្បែរឱ្យសោយរាជ្យដែរជាមួយទ្រង់។
តែបើយើងមិនព្រមទទួលមិនព្រមស្រុះស្រួលស្គាល់ព្រះអង្គ
ពេលនោះព្រះជាអម្ចាស់ទ្រង់នឹងមិនស្គាល់យើងវិញម្តងដែរ។
១៣ប្រសិនបើយើងមិនស្មោះត្រង់នោះព្រះអង្គគង់មិនកែប្រែ
ស្មោះត្រង់ជានិច្ចក៏ព្រោះតែទ្រង់មិនងាកបែរនៅតែស្មោះ។