ត្រឡប់ទៅបញ្ជីសៀវភៅវិញ

ព្រះជាម្ចាស់ដែលបង្កើតពិភពលោកទ្រង់ការពារប្រជាជន បទកាកគតិ

(នាងយូឌីត ១៦,១-២.១៣-១៥)

១ចូរអ្នករាល់គ្នាបង្គំវន្ទាច្រៀងរាំទូលថ្វាយ
ព្រះជាអម្ចាស់ប្រគុំភ្លេងលាយឈឹងស្គរឱនកាយ
សរសើរតម្កើង។
២ព្រះម្ចាស់ពិតជាមានឫទ្ធិចេស្តាពន្លត់ភ្នក់ភ្លើង
សង្គ្រាមរលត់ព្រះនាមទ្រង់ថ្កើងសុលសាយឮឡើង
គឺព្រះអម្ចាស់។
ព្រះអង្គរំដោះខ្ញុំផុតភ័យគ្រោះសត្រូវច្រើនណាស់
វាដេញតាមខ្ញុំតែព្រះជាម្ចាស់នាំខ្ញុំវិលច្រាស
មកវិញសុខសាន្ត។
១៣ខ្ញុំនឹងច្រៀងបទថ្មីហើយវិសុទ្ធថ្វាយព្រះថ្កើងថ្កាន
ព្រះអង្គពិតជាប្រសើរហួសស្មានបារមីចំណាន
ខ្លាំងក្លាអស្ចារ្យ។
១៤សូមឱ្យសត្វលោកក្នុងទឹកលើគោកកុំនៅសោកា
សុខចិត្តបម្រើព្រះមានចេស្តាឥតមាននរណា
ជំទាស់បានឡើយ។
១៥ពេលទ្រង់យាងមកភ្នំក៏កក្រើករង្គើអស់ហើយ
ធ្លាក់ក្នុងសមុទ្រនៅមិនបានឡើយទោះថ្មក៏ដោយ
រលាយជាដី។
ប៉ុន្តែព្រះម្ចាស់តែងតែសន្តោសអាណិតប្រណី
អាសូរដល់រាស្រ្តអ្នកទាបក្រក្រីគោរពរាល់ថ្ងៃ
កោតខ្លាចព្រះអង្គ។