ត្រឡប់ទៅបញ្ជីសៀវភៅវិញ

ទំនុកតម្កើងលេខ ៧០ (៦៩) បទពាក្យ ៧

២ឱព្រះជាម្ចាស់នៃខ្ញុំអើយសូមយាងមកហើយជួយរំដោះ
ករុណាអាសូរដោយសង្គ្រោះប្រោសខ្ញុំឱ្យរស់បានឆាប់ៗ។
៣ឱ្យអ្នកព្យាបាទជីវិតខ្ញុំត្រូវជួបទុក្ខធំកេរ្តិ៍ឈ្មោះអាប់
ទាំងអ្នកដែលប៉ងចង់ធ្វើបាបវិនាសឆុតឆាប់ត្រូវដកខ្លួន។
៤សូមឱ្យអ្នកដែលសើចចំអកលែបខាយឡឺយឡកវិនាសសូន្យ
ត្រូវបរាជ័យមិនរួចខ្លួនកេរ្តិ៍ឈ្មោះសាបសូន្យអន្តរាយ។
៥រីអ្នកស្រឡាញ់ការសង្គ្រោះឱ្យគេទាំងនោះជួបសប្បាយ
ថ្លែងឥតឈប់ឈរទាំងយប់ថ្ងៃសូមលើកសិរីថ្កើងព្រះម្ចាស់។
៦ឱព្រះអម្ចាស់ទូលបង្គំរស់រងទុក្ខធំវេទនាណាស់
សូមយាងមកជួយដោយរូតរះមេត្តាសង្គ្រោះកុំបង្អង់។