ត្រឡប់ទៅបញ្ជីសៀវភៅវិញ

ឱព្រះជាម្ចាស់អើយ! យើងខ្ញុំរង់ចាំតែព្រះអង្គមួយ បទកាកគតិ

(ព្យាការីអេសាយ ៣៣,១៣-១៦)

១៣ឱ! អ្នកដែលនៅស្រុកឆ្ងាយៗត្រូវនាំគ្នាប្រុងស្តាប់
អំពីកិច្ចការដែលយើងធ្វើស្រាប់ត្រូវខំត្រងត្រាប់
ស្តាប់ទាំងអស់គ្នា។
ឯអ្នកដែលនៅជិតៗនេះត្រូវកុំនៅរួញរា
ត្រូវទទួលស្គាល់បារមីឫទ្ធាអានុភាពចេស្តា
យើងខ្លាំងក្លាក្រៃ។
១៤នៅក្រុងស៊ីយ៉ូនអ្នកបាបញ័រខ្លួនរន្ធត់ភិតភ័យ
ពួកទមិឡតក់ស្លុតញ័រអស់ជើងដៃគេពោលស្រដី
ស្តីតាមគំនិត។
១៥ថាមានតែអ្នកដែលប្រព្រឹត្តជាក់មាគ៌ាសុចរិត
និងអ្នកនិយាយតែពាក្យដែលពិតទើបអាចស្ថេរស្ថិត
កៀកកិតនៅជាប់។
គឺអ្នកមិនធ្វើទៅតាមអំពើហឹង្សាមិនគាប់
មិនរកកំរៃប្រវ័ញ្ចគៃកិបមិនទទួលយក
សំណូកទៀតផង។
១៦មនុស្សបែបនេះនឹងបាននៅរស់កន្លែងខ្ពស់ខ្ពង់
មានថ្មរឹងមាំជ្រកកោនទៀតផងអាហារគ្រប់គ្រាន់
ទាំងទឹកមិនខ្វះ។