ត្រឡប់ទៅបញ្ជីសៀវភៅវិញ

ព្រះចេស្តារបស់ព្រះជាម្ចាស់ បទព្រហ្មគីតិ

(ដំណើរឆ្ពោះទៅកាន់សេរីភាព ១៥,១-៤.៧-១៣.១៧-១៨)

១ចូរកោតសរសើរព្រះជាអម្ចាស់ក្នុងវិហារ
ជាទីដ៏សក្ការសែនអស្ចារ្យឥតមានហ្មង។
ក្នុងលំហអាកាសវិសេសណាស់មាំមួនផង
ដំណាក់ល្អកន្លងនៃព្រះអង្គក្នុងអាកាស។
២ចូរសរសើរគ្រប់គ្នាអ្វីដែលជាស្នាព្រះហស្ត
តម្កើងព្រះអម្ចាស់ដ៏ខ្ពង់ខ្ពស់គ្មានអ្វីស្មើ។
៣ចូរប្រគុំភ្លេងភ្លាត់ច្រៀងសព្វបទកុំស្ទាក់ស្ទើរ
ចាប៉ីដេញបណ្តើរពិណសរសើរកំដរផង។
៤វាយក្រាប់រាំចាក់ក្បាច់ល្អបណ្តាច់ថ្វាយព្រះអង្គ
វាយឃឹមផ្លុំខ្លុយផងលើកតម្កើងព្រះជាម្ចាស់។
៥វាយស្គរឱ្យពិរោះតម្កើងព្រះដោយស្ម័គ្រស្មោះ
វាយស្គរលាន់ទាំងអស់សរសើរព្រះជាម្ចាស់យើង។
៦សូមឱ្យអ្វីទាំងអស់ដែលនៅរស់មានដង្ហើម
ចូរសរសើរតម្កើងព្រះម្ចាស់យើងរហូតទៅ។