អាទិត្យ – ស – អាទិត្យទី៣៤ ក្នុងរដូវធម្មតា

ពាក្យអធិដ្ឋានពេលចូល

បពិត្រព្រះអម្ចាស់ជាព្រះបិតា! ព្រះអង្គសព្វព្រះហប្ញទ័យប្រមូលអ្វីៗទាំងអស់ឱ្យស្ថិតនៅក្រោមអំណាចព្រះគ្រីស្តជាព្រះមហាក្សត្រ។ សូមទ្រង់ព្រះមេត្តាពង្រឹងសេចក្តីក្លាហានរបស់យើងខ្ញុំជាអ្នកបម្រើព្រះអង្គ។ សូមប្រោសយើងខ្ញុំឱ្យយកចិត្តទុកដាក់កសាងពិភពលោកថ្មីតាមព្រះហប្ញទ័យព្រះអង្គ។ សូមជួយយើងខ្ញុំក្នុងកិច្ចរៀបចំផ្លូវថ្វាយព្រះគ្រីស្តដែលយាងមកវិញផង។

អត្ថបទទី១៖​ សូមថ្លែងព្រះគម្ពីរព្យាការីដានីអែល ដន ៧,១៣-១៤

ក្នុងសុបិននិមិត្តនៅពេលយប់នោះ ខ្ញុំដានីអែល ឃើញម្នាក់មានរាងដូចបុត្រមនុស្ស មកជាមួយពពកនៅលើផ្ទៃមេឃ។ លោកចូលទៅជិតព្រះជាម្ចាស់នៃពេលវេលាដែលមានព្រះជន្មាយុយឺនយូរ ហើយគេក៏នាំលោកទៅគាល់ព្រះអង្គ។ លោកបានទទួលអំណាចគ្រប់គ្រងព្រះកិត្តិនាម ព្រមទាំងរាជ្យសម្បត្តិផង។ ប្រជាជនទាំងអស់ ប្រជាជាតិទាំងអស់ និងមនុស្សគ្រប់ភាសា នាំគ្នាគោរពបម្រើលោក អំណាចគ្រប់គ្រងរបស់លោកនៅស្ថិតស្ថេរ អស់កល្បជានិច្ច ឥតសាបសូន្យឡើយ។ រាជ្យសម្បត្តិរបស់លោកក៏មិនត្រូវរលាយដែរ។

ទំនុកតម្កើងលេខ ៩៣ (៩២),១-២.៥ បទកាកគតិ

អត្ថបទទី​២៖ សូមថ្លែងព្រះគម្ពីរវិវរណៈ វរ ១,៥-៦

សូមព្រះយេស៊ូគ្រីស្តប្រណីសន្តោស និងប្រទានសេចក្តីសុខសាន្តដល់បងប្អូន!។ ព្រះយេស៊ូជាសាក្សីដ៏ស្មោះត្រង់ ព្រះអង្គទទួលព្រះជន្មដ៏រុងរឿងមុនគេបង្អស់ ហើយព្រះអង្គជាអធិបតីលើស្តេចទាំងអស់នៅលើផែនដី។ ព្រះយេស៊ូគ្រីស្តមានព្រះហឫទ័យស្រឡាញ់យើង និងបានរំដោះយើងឱ្យរួចពីបាប ដោយសារព្រះលោហិតរបស់ព្រះអង្គផ្ទាល់។ ព្រះអង្គបានធ្វើឱ្យយើងទៅជារាជាណាចក្រ និងជាក្រុមបូជាចារ្យបម្រើព្រះជាម្ចាស់ ជាព្រះបិតារបស់ព្រះអង្គ។ សូមលើកតម្កើងសិរីរុងរឿង និងព្រះចេស្តារបស់ព្រះអង្គ អស់កល្បជាអង្វែងតរៀងទៅ! អាម៉ែន!។ មើល៍! ព្រះអង្គយាងមកនៅកណ្តាលពពក។ មនុស្សទាំងអស់នឹងឃើញព្រះអង្គ សូម្បីតែអស់អ្នកដែលបានចាក់ទម្លុះព្រះអង្គក៏នឹងឃើញព្រះអង្គដែរ។ កុលសម្ព័ន្ធទាំងប៉ុន្មាននៅលើផែនដីនឹងត្រូវសោកសៅ ព្រោះតែព្រះអង្គ។ មែន! ពិតជាកើតមានដូច្នេះមែន! អាម៉ែន!។ ព្រះជាអម្ចាស់ដែលមានព្រះជន្មគង់នៅសព្វថ្ងៃ គង់នៅពីដើម ហើយកំពុងតែយាងមក គឺព្រះដ៏មានព្រះចេស្តា​លើអ្វីៗទាំងអស់ ព្រះអង្គមានព្រះបន្ទូលថា៖ «យើងជាអាល់ផា និងជាអូមេកា ជាដើម និងចុងនៃអ្វីៗទាំងអស់»។

ពិធីអបអរសាទរព្រះគម្ពីរដំណឹងល្អ មក ១១,១០

អាលេលូយ៉ា! អាលេលូយ៉ា!
សូមលើកតម្កើងព្រះរាជ្យរបស់ព្រះបាទដាវីឌ ជាបិតារបស់យើង! ជាព្រះរាជ្យនៃជំនាន់ថ្មី។ សូមលើកតម្កើងអ្នកដែលមកក្នុងនាមនៃព្រះអម្ចាស់។ អាលេលូយ៉ា!

សូមថ្លែងព្រះគម្ពីរដំណឹងល្អតាមសន្តយ៉ូហាន យហ ១៨,៣៣-៣៧

នៅពេលនោះ លោកពីឡាតកាត់ក្តីព្រះយេស៊ូ។ លោកសួរព្រះយេស៊ូថា៖ «តើអ្នកជាស្តេចរបស់ជនជាតិយូដាមែនឬ?»។ ព្រះយេស៊ូមានព្រះបន្ទូលតបថា៖ «លោកមានប្រសាសន៍ដូច្នេះ តើមកពីគំនិតរបស់លោកផ្ទាល់ ឬមានអ្នកផ្សេងទៀតជម្រាបលោក?» លោកពីឡាតតបវិញថា៖ «ខ្ញុំមិនមែនជនជាតិយូដាទេ! គឺជនជាតិរបស់អ្នក និងពួកនាយកបូជាចារ្យទេតើ ដែលបានបញ្ជូនអ្នកមកខ្ញុំ។ ​តើអ្នកបានធ្វើអ្វី?»។ ព្រះយេស៊ូមានព្រះបន្ទូលតបថា៖ «រាជ្យរបស់ខ្ញុំមិនមែននៅក្នុងលោកនេះទេ។ ប្រសិនបើរាជ្យរបស់ខ្ញុំនៅក្នុងលោកនេះមែន ពួកបម្រើរបស់ខ្ញុំមុខជានាំគ្នាតយុទ្ធ មិនឱ្យគេបញ្ជូនខ្ញុំទៅក្នុងកណ្តាប់ដៃរបស់សាសន៍យូដាបានឡើយ។ ប៉ុន្តែ​ រាជ្យរបស់ខ្ញុំ មិនមែននៅលោកនេះទេ»។ លោកពីឡាតទូលសួរព្រះអង្គថា៖ «បើដូច្នេះ តើអ្នកជាស្តេចមែនឬ?»។ ព្រះយេស៊ូមានព្រះបន្ទូលតប​ថា៖ «លោកទេតើដែលមានប្រសាសន៍ថា ខ្ញុំជាស្តេច។ ខ្ញុំកើតមក ហើយខ្ញុំក៏មកក្នុងលោកនេះ ដើម្បីផ្តល់សក្ខីភាពអំពីសេចក្តីពិត។ អ្នកណាកើតពីសេចក្តីពិត អ្នកនោះនឹងស្តាប់សំឡេងខ្ញុំ»។

ពាក្យថ្វាយតង្វាយ

បពិត្រព្រះអម្ចាស់ជាព្រះបិតា យើងខ្ញុំសូមយកតង្វាយទាំងនេះមកថ្វាយព្រះអង្គ។ យើងខ្ញុំក៏សូមថ្វាយនំ និងស្រានេះ ទុកជានិមិត្តរូប និងជាតំណាងនៃកិច្ចការទាំងប៉ុន្មានដែលមនុស្សលោកប្រព្រឹត្ត។ សូមទ្រង់ព្រះមេត្តាចាត់ព្រះគ្រីស្តឱ្យយាងមកតែងតាំងព្រះរាជ្យព្រះអង្គក្នុងពិភពលោកនេះផង។

ធម៌លើកតម្កើង

បពិត្រព្រះបិតាជាអម្ចាស់ ប្រកបដោយធម៌មេត្តាការុណាយ៉ាងក្រៃលែងអើយ! យើងខ្ញុំសូមលើកតម្កើងសិរីរុងរឿងរបស់ព្រះអង្គ និងអរព្រះគុណព្រះអង្គជានិច្ច ដ្បិតព្រះអង្គបានតាំងព្រះយេស៊ូធ្វើជាព្រះមហាក្សត្រត្រួតត្រាលើអ្វីៗទាំងអស់។ ព្រះយេស៊ូគ្រីស្តនេះ ពិតជាមហាបូជាចារ្យរបស់យើងខ្ញុំ ព្រះអង្គបានបូជាព្រះជន្មនៅលើឈើឆ្កាង ដើម្បីរំដោះមនុស្សលោកឱ្យរួចពីបាបកម្ម និងបានបញ្ចូលសត្វលោកទាំងឡាយក្នុងព្រះរាជ្យរបស់ព្រះអង្គ ដែលជាព្រះរាជ្យប្រកបដោយធម៌មេត្តា យុត្តិធម៌ សេរីភាព សន្តិភាព និងសុភមង្គល ។
អាស្រ័យហេតុនេះហើយ បានជាយើងខ្ញុំសូមចូលរួមជាមួយអស់ទេវទូត និងសន្តបុគ្គលទាំងឡាយ ដើម្បីលើកតម្កើងសិរីរុងរឿងរបស់ព្រះអង្គ ដោយប្រកាសថា៖ “ព្រះដ៏វិសុទ្ធ! ព្រះដ៏វិសុទ្ធ! ព្រះដ៏វិសុទ្ធ!”។

ពាក្យអរព្រះគុណ

បពិត្រព្រះបិតាដ៏មានតេជានុភាពសព្វប្រការ! ព្រះអង្គប្រោសប្រទានព្រះកាយ និងព្រះលោហិតព្រះគ្រីស្តឱ្យយើងខ្ញុំ សូមទ្រង់ព្រះមេត្តាកុំបណ្តោយ​​​​​​​​​​​ឱ្យយើងខ្ញុំឃ្លាតឆ្ងាយពីព្រះអង្គឡើយ សូមជួយយើងខ្ញុំឱ្យកសាងពិភពលោកថ្មី ស្របតាមព្រះហឫទ័យព្រះអង្គផង។

បុណ្យព្រះអម្ចាស់យេស៊ូគ្រីស្ដជាព្រះមហាក្សត្រនៃពិភពលោក

ពាក្យអធិដ្ឋានពេលចូល

បពិត្រព្រះអម្ចាស់ជាព្រះបិតា! ព្រះអង្គសព្វព្រះហប្ញទ័យប្រមូលអ្វីៗទាំងអស់ឱ្យស្ថិតនៅក្រោមអំណាចព្រះគ្រីស្តជាព្រះមហាក្សត្រ។ សូមទ្រង់ព្រះមេត្តាពង្រឹងសេចក្តីក្លាហានរបស់យើងខ្ញុំជាអ្នកបម្រើព្រះអង្គ។ សូមប្រោសយើងខ្ញុំឱ្យយកចិត្តទុកដាក់កសាងពិភពលោកថ្មីតាមព្រះហប្ញទ័យព្រះអង្គ។ សូមជួយយើងខ្ញុំក្នុងកិច្ចរៀបចំផ្លូវថ្វាយព្រះគ្រីស្តដែលយាងមកវិញផង។

អត្ថបទទី១៖​ សូមថ្លែងព្រះគម្ពីរព្យាការីដានីអែល ដន ៧,១៣-១៤

ក្នុងសុបិននិមិត្តនៅពេលយប់នោះ ខ្ញុំដានីអែល ឃើញម្នាក់មានរាងដូចបុត្រមនុស្ស មកជាមួយពពកនៅលើផ្ទៃមេឃ។ លោកចូលទៅជិតព្រះជាម្ចាស់នៃពេលវេលាដែលមានព្រះជន្មាយុយឺនយូរ ហើយគេក៏នាំលោកទៅគាល់ព្រះអង្គ។ លោកបានទទួលអំណាចគ្រប់គ្រងព្រះកិត្តិនាម ព្រមទាំងរាជ្យសម្បត្តិផង។ ប្រជាជនទាំងអស់ ប្រជាជាតិទាំងអស់ និងមនុស្សគ្រប់ភាសា នាំគ្នាគោរពបម្រើលោក អំណាចគ្រប់គ្រងរបស់លោកនៅស្ថិតស្ថេរ អស់កល្បជានិច្ច ឥតសាបសូន្យឡើយ។ រាជ្យសម្បត្តិរបស់លោកក៏មិនត្រូវរលាយដែរ។

ទំនុកតម្កើងលេខ ៩៣ (៩២),១-២.៥ បទកាកគតិ

អត្ថបទទី​២៖ សូមថ្លែងព្រះគម្ពីរវិវរណៈ វរ ១,៥-៦

សូមព្រះយេស៊ូគ្រីស្តប្រណីសន្តោស និងប្រទានសេចក្តីសុខសាន្តដល់បងប្អូន!។ ព្រះយេស៊ូជាសាក្សីដ៏ស្មោះត្រង់ ព្រះអង្គទទួលព្រះជន្មដ៏រុងរឿងមុនគេបង្អស់ ហើយព្រះអង្គជាអធិបតីលើស្តេចទាំងអស់នៅលើផែនដី។ ព្រះយេស៊ូគ្រីស្តមានព្រះហឫទ័យស្រឡាញ់យើង និងបានរំដោះយើងឱ្យរួចពីបាប ដោយសារព្រះលោហិតរបស់ព្រះអង្គផ្ទាល់។ ព្រះអង្គបានធ្វើឱ្យយើងទៅជារាជាណាចក្រ និងជាក្រុមបូជាចារ្យបម្រើព្រះជាម្ចាស់ ជាព្រះបិតារបស់ព្រះអង្គ។ សូមលើកតម្កើងសិរីរុងរឿង និងព្រះចេស្តារបស់ព្រះអង្គ អស់កល្បជាអង្វែងតរៀងទៅ! អាម៉ែន!។ មើល៍! ព្រះអង្គយាងមកនៅកណ្តាលពពក។ មនុស្សទាំងអស់នឹងឃើញព្រះអង្គ សូម្បីតែអស់អ្នកដែលបានចាក់ទម្លុះព្រះអង្គក៏នឹងឃើញព្រះអង្គដែរ។ កុលសម្ព័ន្ធទាំងប៉ុន្មាននៅលើផែនដីនឹងត្រូវសោកសៅ ព្រោះតែព្រះអង្គ។ មែន! ពិតជាកើតមានដូច្នេះមែន! អាម៉ែន!។ ព្រះជាអម្ចាស់ដែលមានព្រះជន្មគង់នៅសព្វថ្ងៃ គង់នៅពីដើម ហើយកំពុងតែយាងមក គឺព្រះដ៏មានព្រះចេស្តា​លើអ្វីៗទាំងអស់ ព្រះអង្គមានព្រះបន្ទូលថា៖ «យើងជាអាល់ផា និងជាអូមេកា ជាដើម និងចុងនៃអ្វីៗទាំងអស់»។

ពិធីអបអរសាទរព្រះគម្ពីរដំណឹងល្អ មក ១១,១០

អាលេលូយ៉ា! អាលេលូយ៉ា!
សូមលើកតម្កើងព្រះរាជ្យរបស់ព្រះបាទដាវីឌ ជាបិតារបស់យើង! ជាព្រះរាជ្យនៃជំនាន់ថ្មី។ សូមលើកតម្កើងអ្នកដែលមកក្នុងនាមនៃព្រះអម្ចាស់។ អាលេលូយ៉ា!

សូមថ្លែងព្រះគម្ពីរដំណឹងល្អតាមសន្តយ៉ូហាន យហ ១៨,៣៣-៣៧

នៅពេលនោះ លោកពីឡាតកាត់ក្តីព្រះយេស៊ូ។ លោកសួរព្រះយេស៊ូថា៖ «តើអ្នកជាស្តេចរបស់ជនជាតិយូដាមែនឬ?»។ ព្រះយេស៊ូមានព្រះបន្ទូលតបថា៖ «លោកមានប្រសាសន៍ដូច្នេះ តើមកពីគំនិតរបស់លោកផ្ទាល់ ឬមានអ្នកផ្សេងទៀតជម្រាបលោក?» លោកពីឡាតតបវិញថា៖ «ខ្ញុំមិនមែនជនជាតិយូដាទេ! គឺជនជាតិរបស់អ្នក និងពួកនាយកបូជាចារ្យទេតើ ដែលបានបញ្ជូនអ្នកមកខ្ញុំ។ ​តើអ្នកបានធ្វើអ្វី?»។ ព្រះយេស៊ូមានព្រះបន្ទូលតបថា៖ «រាជ្យរបស់ខ្ញុំមិនមែននៅក្នុងលោកនេះទេ។ ប្រសិនបើរាជ្យរបស់ខ្ញុំនៅក្នុងលោកនេះមែន ពួកបម្រើរបស់ខ្ញុំមុខជានាំគ្នាតយុទ្ធ មិនឱ្យគេបញ្ជូនខ្ញុំទៅក្នុងកណ្តាប់ដៃរបស់សាសន៍យូដាបានឡើយ។ ប៉ុន្តែ​ រាជ្យរបស់ខ្ញុំ មិនមែននៅលោកនេះទេ»។ លោកពីឡាតទូលសួរព្រះអង្គថា៖ «បើដូច្នេះ តើអ្នកជាស្តេចមែនឬ?»។ ព្រះយេស៊ូមានព្រះបន្ទូលតប​ថា៖ «លោកទេតើដែលមានប្រសាសន៍ថា ខ្ញុំជាស្តេច។ ខ្ញុំកើតមក ហើយខ្ញុំក៏មកក្នុងលោកនេះ ដើម្បីផ្តល់សក្ខីភាពអំពីសេចក្តីពិត។ អ្នកណាកើតពីសេចក្តីពិត អ្នកនោះនឹងស្តាប់សំឡេងខ្ញុំ»។

ពាក្យថ្វាយតង្វាយ

បពិត្រព្រះអម្ចាស់ជាព្រះបិតា យើងខ្ញុំសូមយកតង្វាយទាំងនេះមកថ្វាយព្រះអង្គ។ យើងខ្ញុំក៏សូមថ្វាយនំ និងស្រានេះ ទុកជានិមិត្តរូប និងជាតំណាងនៃកិច្ចការទាំងប៉ុន្មានដែលមនុស្សលោកប្រព្រឹត្ត។ សូមទ្រង់ព្រះមេត្តាចាត់ព្រះគ្រីស្តឱ្យយាងមកតែងតាំងព្រះរាជ្យព្រះអង្គក្នុងពិភពលោកនេះផង។

ធម៌លើកតម្កើង

បពិត្រព្រះបិតាជាអម្ចាស់ ប្រកបដោយធម៌មេត្តាការុណាយ៉ាងក្រៃលែងអើយ! យើងខ្ញុំសូមលើកតម្កើងសិរីរុងរឿងរបស់ព្រះអង្គ និងអរព្រះគុណព្រះអង្គជានិច្ច ដ្បិតព្រះអង្គបានតាំងព្រះយេស៊ូធ្វើជាព្រះមហាក្សត្រត្រួតត្រាលើអ្វីៗទាំងអស់។ ព្រះយេស៊ូគ្រីស្តនេះ ពិតជាមហាបូជាចារ្យរបស់យើងខ្ញុំ ព្រះអង្គបានបូជាព្រះជន្មនៅលើឈើឆ្កាង ដើម្បីរំដោះមនុស្សលោកឱ្យរួចពីបាបកម្ម និងបានបញ្ចូលសត្វលោកទាំងឡាយក្នុងព្រះរាជ្យរបស់ព្រះអង្គ ដែលជាព្រះរាជ្យប្រកបដោយធម៌មេត្តា យុត្តិធម៌ សេរីភាព សន្តិភាព និងសុភមង្គល ។
អាស្រ័យហេតុនេះហើយ បានជាយើងខ្ញុំសូមចូលរួមជាមួយអស់ទេវទូត និងសន្តបុគ្គលទាំងឡាយ ដើម្បីលើកតម្កើងសិរីរុងរឿងរបស់ព្រះអង្គ ដោយប្រកាសថា៖ “ព្រះដ៏វិសុទ្ធ! ព្រះដ៏វិសុទ្ធ! ព្រះដ៏វិសុទ្ធ!”។

ពាក្យអរព្រះគុណ

បពិត្រព្រះបិតាដ៏មានតេជានុភាពសព្វប្រការ! ព្រះអង្គប្រោសប្រទានព្រះកាយ និងព្រះលោហិតព្រះគ្រីស្តឱ្យយើងខ្ញុំ សូមទ្រង់ព្រះមេត្តាកុំបណ្តោយ​​​​​​​​​​​ឱ្យយើងខ្ញុំឃ្លាតឆ្ងាយពីព្រះអង្គឡើយ សូមជួយយើងខ្ញុំឱ្យកសាងពិភពលោកថ្មី ស្របតាមព្រះហឫទ័យព្រះអង្គផង។