អបអរសាទរពិធីបិទវគ្គឆ្នាំសិក្សា ២០២៣-២០២៤ សាលាមត្តេយ្យសន្តីលូស៉ី ពិធីនេះប្រារព្ធឡេីងនៅព្រះសហគមន៍កាតូលិកបឹងទំពន់ នាព្រឹក ថ្ងៃទី១៤ ខែកញ្ញា ឆ្នាំ២០២៤ ដោយមានការចូលរួមពីលោកបូជាចារ្យហ្រ្វង់ស័រ បងស្រី លោកគ្រូ អ្នកគ្រូ និងកូនសិស្សប្រមាណ២០០នាក់។ នៅក្នុងពិធី លោកបូជាចារ្យ ហ្រ្វង់ស័រ មានប្រសាសន៍ថា ឪពុកម្តាយដែលបញ្ជូលកូនមករៀននៅទីនេះ មិនត្រឹមមករៀន រៀបចំខ្លួនកូនយេីងតែរៀបចំសម្រាប់សង្គមជាតិទាំងមូលផងដែរ។ នៅទីនេះមិនត្រឹមតែមករៀនអក្សរ តែមករៀនរស់នៅជាមួយគ្នា ។ លោកក៏បានលេីកទឹកចិត្តអោយឪពុកម្តាយ អ្នកគ្រូ បន្តខិតខំបន្តទៀតសម្រាប់កូនយេីង និងសង្គមយេីង។ នាក្នុងឱកាសនោះ តំណាងអាណាព្យាបាលមួយរូបបានលេីកឡេីងថា ពេលកូនបានរៀននៅទីនេះ ពួកគាត់រៀនបានច្រេីន ទាំងការរសេរ ចំណេះដឹង ការចេះជួយ និងចេះមានវិន័យ។ ហេីយបានលេីកទឹកចិត្តអោយឪពុកម្តាយផ្សេងៗទៀតកុំចំណាយពេលជាមួយទូរស័ព្ទច្រេីនពេក តែងាកមកមានសកម្មភាព ជាមួយកូនៗអោយបានច្រេីនវិញ។
កម្មវិធីនាព្រឹកនេះមានការសម្តែងផ្សេងៗពីកុមារមត្តេយ្យគ្រប់កម្រិត និងពិធីប្រគល់លិខិតសរសេីរដល់កុមារមករៀនទៀងទាត់ កុមារដែលរៀនពូកែផងដែរ។ សូមបញ្ជាក់ដែលថា សម្រាប់សាលាមត្តេយ្យសន្តីលូស៉ីក្នុងឆ្នាំសិក្សា២០២៣-២០២៤នេះ មានកុមារ សរុប៩៥នាក់ ហេីយមានកុមារ៣២នាក់ដែលនឹងត្រូវបញ្ជូលទៅបន្តរៀនថ្នាក់ទី១ នៅសាលាខាងក្រៅ។ សម្រាប់ឆ្នាំសិក្សាថ្មី សាលានិងចាប់ផ្តេីមទទួលពាក្យចូលរៀន ចាប់ពីថ្ងៃទី១៦-ទី២០ ខែកញ្ញាឆ្នាំ២០២៤ និងគ្រោងបេីកឆ្នាំសិក្សាថ្មី នៅថ្ងៃទី១៨ ខែវិច្ឆិកា ឆ្នាំ២០២៤ ខាងមុខ។
