នៅថ្ងៃទី៣០ ខែធ្នូ ឆ្នាំ២០២៤ ព្រះសហគមន៍កាតូលិកបាត់ដំបងបានរៀបចំអភិបូជាអរព្រះគុណព្រះជាម្ចាស់ក្នុងសប្តាហ៍បុណ្យព្រះយេស៊ូប្រសូត ដោយមានលោកអភិបាលទេព ច័ន្ទពិសិដ្្ឋ អភិបាលព្រះសហគមន៍ភូមិភាគបាត់ដំបង ជាអធិបតី ព្រមទាំងមានការចូលរួមពីសំណាក់លោកបូជាចារ្យ បងប្រុសបងស្រី និងបងប្អូនគ្រីស្តបរិស័ទផងដែរ។ ក្នុងឱកាសនោះផងដែរ លោកអភិបាលបានប្រកាសប្រគល់មុខងារដល់លោកបូជាចារ្យ ជួរ ដាម៉ូ ឱ្យទទួលខុសត្រូវព្រះសហគមន៍ខ្នាចរមាស មណ្ឌលសុខភាពព្រះសហគមន៍បាត់ដំបង ចូលរួមជាមួយការិយាល័យយុវជនភូមិភាគបាត់ដំបង និងជួយអប់រំផ្លូវវិញ្ញាណនៅព្រះសហគមន៍តាហែន និងផ្ទះលីឌី។