អភិបូជាអបអរសាទរបុណ្យព្រះយេស៊ូប្រសូត និងអភិបូជាអរព្រះគុណព្រះជាម្ចាស់ប្រចាំឆ្នាំរបស់សាលាបឋមសិក្សាមាតានៃសន្តិភាព ច្រាបវាល ក្រោមអធិបតីភាពលោកអភិបាលទេព ច័ន្ទពិសិដ្ឋ អភិបាលព្រះសហគមន៍កាតូលិកភូមិភាគបាត់ដំបង ព្រមទាំងមានការអញ្ជើញចូលរួមពីសំណាក់លោកបូជាចារ្យ បងស្រី លោកគ្រូអ្នកគ្រូ និងសិស្សានុសិស្ស ។ក្នុងធម្មទេសនាលោកអភិបាលបានមានប្រសាសន៍ថា៖ “សូមឱ្យកូនៗចេះស្រឡាញ់គ្នា ចេះយកអាសារគ្នាទៅវិញទៅមក ជាពិសេសមានចិត្តមេត្តាករុណាចំពោះអ្នកដទៃដូចបុរសសាសន៍សាម៉ារីដែលបានជួយបុរសម្នាក់ត្រូវចោរប្លន់ “។ ស្របពេលជាមួយគ្នានោះដែរ ព្រះសហគមន៍ច្រាបវាល ក៏ដូចជាសាលាបឋមសិក្សាមាតានៃសន្តិភាព ធ្វើការថ្លែងអំណរគុណដល់លោកបូជាចារ្យបុងបុង ដែលបានទទួលខុសត្រូវនៅព្រះសហគមន៍ ច្រាបវាលអស់រយៈពេល៦ឆ្នាំ ពេលនេះលោកនឹងត្រូវត្រឡប់ទៅបំពេញបេសសកម្មនៅប្រទេសហ្វីលីពីនវិញ ។