ក្នុងចំណោមជនដ៏មានសុភមង្គលទាំង ១៧ ​ជាមរណសាក្សី​នៅប្រទេសឡាវ​ មាន​លោក​បូជាចារ្យ​១២រូប (ជនជាតិឡាវ១នាក់ ​ជនជាតិបារាំង១០នាក់​ និងជនជាតិអ៊ីតាលី១នាក់)​ និង​គ្រីស្តបរិស័ទ​គ្រហស្ថ​ ៥ រូបដែលជាជនជាតិឡាវ ​ត្រូវគេសម្លាប់​ព្រោះតែជំនឿ​ជាគ្រីស្តបរិស័ទ​ ក្នុង​ចន្លោះ​ឆ្នាំ​ ១៩៥៤​ និង ១៩៧០។ ​នៅប្រទេសឡាវនាសម័យនោះ មានកើត​សង្គ្រាម​ឥណ្ឌូចិន​លើក​ទីមួយ​ និង​លើក​ទីពីរ ​ក្នុងអំឡុងពេល​ដែលគណបក្ស​នយោបាយ ប៉ាថេតឡាវ-ថេរវាទ-កុម្មុយនីស្ត​ ជា​មេដឹកនាំ​ប្រទេស ​ហើយគ្រីស្តបរិស័ទ​រងការបៀតបៀន​យ៉ាងខ្លាំងពីអាជ្ញាធរ ។​ លោកបូជាចារ្យ យ៉ូសែប ថោរ-ទាអែន (១៩១៨-១៩៥៤) ត្រូវ​ទ័ព​ព្រៃ​វាយ​លុក​ និងចាប់​បាន​នៅ​ឆ្នាំ​ ១៩៥៣ ហើយមួយឆ្នាំក្រោយមក ​លោកត្រូវគេកាត់ទោសប្រហារជីវិត​ ដោយ​សារ​តែ​លោក​បដិសេធ ​មិនចង់បោះបង់ជីវិត​ជាបូជាចារ្យចោល ​ហើយ​ក៏​មិន​ចង់​យក​ប្រពន្ធ​តាម​ការ​បង្ខិត​បង្ខំ​របស់​ប៉ូលីសយាមគុកនោះផងដែរ ។​ មរណសាក្សី១៦ រូបទៀត​ ត្រូវបានគេឃុំ និង​ធ្វើ​ទារុណកម្ម​ ព្រម​ទាំងមានមួយ​ចំនួនដែលបាន​ស្លាប់ ​ដោយការហត់នឿយ​ ហើយ​មាន​ចំនួន​មួយ​ទៀត​ដែលត្រូវ​គេ​សម្លាប់យ៉ាងសាហាវ ​នៅក្នុងមន្ទីរ​ឃុំឃាំងផងដែរ ។​ មរណសាក្សី​នៅ​ប្រទេស​ឡាវ​ មាន ២ រូប​បាន​ទទួលឋានៈ​ជាជនដ៏មានសុភមង្គល ​នៅថ្ងៃទី ៥ ខែឧសភា ឆ្នាំ ២០១៥ ​ហើយ​ ១៥​ រូបទៀតនៅ​ថ្ងៃទី ១១ ខែធ្នូ ឆ្នាំ ២០១៦។​

ជនដ៏មានសុភមង្គលទាំង១៧នាក់ មានដូចតទៅ៖​

1.    យ៉ូសែប ថោរ-ទាអែន (១៩១៨-១៩៥៤) ជាបូជាចារ្យជនជាតិឡាវ

2.    ម៉ារីអូបូសាហ្គា  (១៩៣២-១៩៦០) ជាបូជាចារ្យ និងជាសាសនទូតជនជាតិអ៊ីតាលី (បព្វជិតក្រុម OMI)​ 

3.    ថោង ពៅ លូក(១៩៤១-១៩៦០) ជាគ្រីស្តបរិស័ទ និងជាគ្រូអប់រំជំនឿជនជាតិឡាវ

4.    យ៉ូហានបាទីស្ត ម៉ាឡូ (១៨៨៩-១៩៥៤) ជាបូជាចារ្យ និងជាសាសនទូតជនជាតិបារាំង (បូជាចារ្យក្រុម MEP)​ 

5.    រេណេ ឌូប្រូ(១៩១៤-១៩៥៩) ជាបូជាចារ្យ និងជាសាសនទូតជនជាតិបារាំង (បូជាចារ្យក្រុម MEP)

6.    ណូអែល ថេណាដ (១៩០៤-១៩៥៩) ជាបូជាចារ្យ និងជាសាសនទូតជនជាតិបារាំង (បូជាចារ្យក្រុម MEP)

7.    ម៉ាសែល ដេនីស (១៩១៩-១៩៥៩) ជាបូជាចារ្យ និងជាសាសនទូតជនជាតិបារាំង (បូជាចារ្យក្រុម MEP)

8.    ល្វីស លេរយ (១៩២៣-១៩៦១) ជាបូជាចារ្យ និងជាសាសនទូតជនជាតិបារាំង (បព្វជិតក្រុម OMI)

9.    ម៉ាសែល ហ្គូហ្គូសលេ (១៩៣១-១៩៦១) ជាបូជាចារ្យ និងជាសាសនទូតជនជាតិបារាំង (បព្វជិតក្រុម OMI

10. វិនសន ល្ហេននូរេត (១៩២១-១៩៦១) ជាបូជាចារ្យ និងជាសាសនទូតជនជាតិបារាំង (បព្វជិតក្រុម OMI)​

11. Joseph Outhay Phongphumi  (១៩៣៣-១៩៦១) ជាគ្រីស្តបរិស័ទ និងជាគ្រូអប់រំជំនឿជនជាតិឡាវ 

12. Jean Wauthier (១៩២៦-១៩៦៧) ជាបូជាចារ្យ និងជាសាសនទូតជនជាតិបារាំង (បព្វជិតក្រុម OMI)

13. Lucien Galan (១៩២១-១៩៦៨) ជាបូជាចារ្យ និងជាសាសនទូតជនជាតិបារាំង (បូជាចារ្យក្រុម MEP)

14. Thomas Khampheuane Inthirath  (១៩៥២-១៩៦៨) ជាគ្រីស្តបរិស័ទជនជាតិឡាវ 

15. Joseph Boissel (១៩០៩-១៩៦៩) ជាបូជាចារ្យ និងជាសាសនទូតជនជាតិបារាំង (បព្វជិតក្រុម OMI)

16. Luc Sy (១៩៣៨-១៩៧០) ជាគ្រីស្តបរិស័ទ និងជាគ្រូអប់រំជំនឿជនជាតិឡាវ

17. Maisam Pho Inpèng  (១៩៣៤-១៩៧០) ជាគ្រីស្តបរិស័ទ និងជាឪពុកគ្រួសារជនជាតិឡាវ