អត្ថបទគម្ពីរដំណឹងល្អ លូកា ៩៖៧-៩
ព្រះបាទហេរ៉ូដនឹកឆ្ងល់អំពីព្រះយេស៊ូ
កាលព្រះបាទហេរ៉ូដជាស្តេចអនុរាជ ជ្រាបហេតុការណ៍ទាំងនោះ ហើយទ្រង់មិនដឹងជាត្រូវគិតយ៉ាងណា ដ្បិតមានអ្នកខ្លះនិយាយថា “លោកយ៉ូហានបាទីស្តបានរស់ឡើងវិញហើយ”។ អ្នកខ្លះទៀតនិយាយថា “ព្យាការីអេលីបានបង្ហាញខ្លួនឲ្យគេឃើញ” ហើយអ្នកខ្លះទៀតនិយាយថា “មានព្យាការីមួយរូប ពីសម័យបុរាណបានរស់ឡើងវិញ”។ រីឯព្រះបាទហេរ៉ូដមានរាជឱង្ការថា៖ «យើងបានឲ្យគេកាត់កយ៉ូហាន ស្លាប់បាត់ទៅហើយ ចុះបុរស ដែលគេនិយាយថាបានធ្វើការអស្ចារ្យទាំងនោះ ជានរណា? »។ព្រះបាទហេរ៉ូដមានបំណងចង់ជួបព្រះយេស៊ូ។
