លិខិតរបស់លោកប៉ូលផ្ញើជូន
គ្រីស្ដបរិស័ទនៅស្រុកកាឡាទី
ពាក្យលំនាំ
ស្រុកកាឡាទីៈ សព្វថ្ងៃនៅប៉ែកខាងជើងប្រទេសទួរគី។
គ្រីស្ដទូតប៉ូលបានផ្សាយដំណឹងល្អនៅស្រុកកាឡាទី នៅចន្លោះ គ.ស.៤៩-៥០ (កិច្ចការ ១៦.៦ និង ១៨.២៣)។ ប្រជាជនស្រុកនោះពុំដែល បានស្គាល់គម្ពីរវិន័យរបស់លោកម៉ូសេទេ តែពួកគេបានទទួលដំណឹងល្អ និង ថ្វាយខ្លួនចំពោះព្រះគ្រីស្ដដោយចិត្ដស្មោះ។ ពេលលោកប៉ូលចាក ចេញពីពួកគេ មានជនជាតិយូដាខ្លះបានមកញុះញង់បញ្ចុះបញ្ចូលពួកគេឲ្យគោរពតាមប្រពៃណីសាសនាយូដា គឺឲ្យប្រព្រឹត្ដតាមគម្ពីរវិន័យលោក ម៉ូសេ មានធ្វើពិធីកាត់ស្បែកជាដើម។ លោកប៉ូលបានទទួលដំណឹងនេះនៅពេលលោកស្នាក់នៅក្រុងអេភេសូ ក្នុងគ.ស. ៥៦-៥៧។ លោកក៏ សរសេរលិខិតមួយច្បាប់ទៅប្រៀនប្រដៅអស់អ្នកដែលវង្វេងតាមជនជាតិយូដានោះឲ្យវិលត្រឡប់មករកជំនឿត្រឹមត្រូវវិញ។
គោលសំខាន់ៗ:
ក្នុងលិខិនេះ លោកប៉ូលសរសេរដោយប្រើពាក្យធ្ងន់ៗបន្ដិច ដើម្បីររំលឹកគ្រីស្ដបរិស័ទអំពីគោលសំខាន់នៃដំណឹងល្អរបស់ព្រះគ្រីស្ដ។ តាម ដំណឹងល្អនេះ ព្រះជាម្ចាស់សង្គ្រោះអ្នកជឿ មកពីគេពឹងផ្អែកលើព្រះគ្រីស្ដ គឺពុំមែនពឹងផ្អែកលើពិធីផ្សេងៗរបស់សាសនាអ៊ីស្រាអែល ឬ លើបុណ្ យកុសលនោះឡើយ។ គម្គីរវិន័យរបស់លោកម៉ូសេមានប្រយោជន៍ គ្រាន់តែសំរាប់អប់រំជនជាតិអ៊ីស្រាអែលឲ្យប្រព្រឹត្ដអំពើល្អប៉ុណ្ណោះ តែពុំអាចសង្គ្រោះមនុស្សបានទេ គឺមនុស្សយើងទទួលការសង្គ្រោះដោយមានជំនឿលើព្រះយេស៊ូគ្រីស្ដដែលបានស្រឡាញ់យើង និង បានបូជាព្រះជន្មសំរាប់យើង (២.២០)។ ដំណឹងល្អរបស់ព្រះគ្រីស្ដផ្ដល់សេរីភាពដ៏ពេញលេញដល់គ្រីស្ដបរិស័ទ តែគ្រីស្ដបរិស័ទត្រូវតែរស់ឲ្យស្របតាមការណែនាំរបស់ព្រះវិញ្ញាណ មិនត្រូវរស់តាមគំនិតលោកកីយ៍ឡើង។
គំរោងគម្ពីរកាឡាទីៈ
- សេចក្ដីផ្ដើម ១.១-១០
- សិទ្ធរបស់លោកប៉ូល ជាគ្រីស្ដទូត ១.១១-២.២១)
- ដំណឹងល្អស្ដីអំពីព្រះហឫទ័យប្រណីសន្ដោសរបស់ព្រះជាម្ចាស់ ៣.១-៤.៣១)
- សេរីភាព និង ភារកិច្ចរបស់គ្រីស្ដបរិស័ទ ៥.១-៦.១០
- អវសានកថា ៦.១១-១៨
លិខិតរបស់លោកប៉ូលផ្ញើជូន
គ្រីស្ដបរិស័ទនៅស្រុកកាឡាទី
ជំពូក ១
ពាក្យជម្រាបសួរ
១ ខ្ញុំ ប៉ូល ជាគ្រីស្តទូត* មិនមែនតែងតាំងឡើងដោយមនុស្សលោក ឬដោយជនណាម្នាក់នោះឡើយ គឺតែងតាំងឡើងដោយព្រះយេស៊ូគ្រីស្ត និងព្រះជាម្ចាស់ ជាព្រះបិតាដែលប្រោសព្រះអង្គឲ្យតើនឡើងពីចំណោមមនុស្សស្លាប់។ ២ ខ្ញុំនិងបងប្អូនទាំងអស់ដែលនៅជាមួយខ្ញុំ សូមជម្រាបមកព្រះសហគមន៍ទាំងឡាយ នៅស្រុកកាឡាទី។ ៣សូមព្រះជាម្ចាស់ជាព្រះបិតានៃយើង និងព្រះអម្ចាស់យេស៊ូគ្រីស្តប្រោសប្រណី ហើយប្រទានសេចក្ដីសុខដល់បងប្អូន។ ៤ ព្រះអម្ចាស់យេស៊ូបានបូជាព្រះជន្មរបស់ព្រះអង្គផ្ទាល់ព្រោះតែបាបរបស់យើង ព្រះអង្គបានរំដោះយើង ឲ្យរួចផុតពីលោកីយ៍ដ៏អាក្រក់នេះស្របតាមព្រះហឫទ័យរបស់ព្រះជាម្ចាស់ ជាព្រះបិតារបស់យើង។ ៥ សូមលើកតម្កើងសិរីរុងរឿងរបស់ព្រះអង្គ អស់កល្បជាអង្វែងតរៀងទៅ! អាម៉ែន!
ដំណឹងល្អមានតែមួយគត់
៦ ខ្ញុំឆ្ងល់ណាស់ ដោយឃើញបងប្អូនឆាប់ងាកចេញពីព្រះជាម្ចាស់ដែលបានត្រាស់ហៅបងប្អូន តាមព្រះហឫទ័យប្រោសប្រណីរបស់ព្រះគ្រីស្ត ហើយបងប្អូនបែរទៅរកដំណឹងល្អមួយផ្សេងទៀត ៧តាមពិតគ្មានដំណឹងល្អណាមួយផ្សេងទៀតឡើយ គឺមានតែអ្នកខ្លះបានធ្វើឲ្យកើតវឹកវរ និងចង់បំភ្លៃដំណឹងល្អរបស់ព្រះគ្រីស្តប៉ុណ្ណោះ។ ៨ ប្រសិនបើមាននរណាម្នាក់ ទោះបីយើងក្ដី ឬទេវទូត*ណាមួយពីស្ថានបរមសុខ*ក្ដី នាំដំណឹងល្អណាផ្សេងមកប្រាប់បងប្អូន ខុសប្លែកពីដំណឹងល្អ ដែលយើងបាននាំមកជូនបងប្អូនសូមឲ្យអ្នកនោះត្រូវបណ្ដាសាទៅចុះ! ដូចយើងបានជម្រាបមកស្រាប់ហើយ តែខ្ញុំក៏សូមជម្រាបម្ដងទៀតថា ប្រសិនបើនរណាម្នាក់នាំដំណឹងល្អផ្សេង មកជូនបងប្អូន ខុសប្លែកពីដំណឹងល្អដែលបងប្អូនធ្លាប់ទទួលសូមឲ្យអ្នកនោះត្រូវបណ្ដាសាចុះ!
១០ ឥឡូវនេះ តើខ្ញុំចង់ផ្គាប់ចិត្តមនុស្ស ឬធ្វើឲ្យគាប់ព្រះហឫទ័យព្រះជាម្ចាស់? តើខ្ញុំស្វែងរកឲ្យមនុស្សពេញចិត្តឬ? ប្រសិនបើខ្ញុំនៅតែចង់ឲ្យមនុស្សពេញចិត្តនោះមានន័យថា ខ្ញុំលែងជាអ្នកបម្រើរបស់ព្រះគ្រីស្តទៀតហើយ!
១១ខ្ញុំសូមជម្រាបបងប្អូនថា ដំណឹងល្អ*ដែលខ្ញុំបាននាំមកជូនបងប្អូន មិនមែនមានប្រភពចេញមកពីមនុស្សលោកទេ ១២ រីឯខ្ញុំផ្ទាល់ ខ្ញុំក៏ពុំបានទទួលឬរៀនពីមនុស្សណាម្នាក់ដែរ គឺព្រះយេស៊ូគ្រីស្ត*ឯណោះដែលបានសម្ដែងឲ្យខ្ញុំស្គាល់។
១៣បងប្អូនបានឮគេនិយាយអំពី កិរិយាមារយាទរបស់ខ្ញុំកាលពីដើមស្រាប់ហើយ គឺពេលខ្ញុំកាន់សាសនាយូដានៅឡើយ ខ្ញុំបានបៀតបៀនព្រះសហគមន៍របស់ព្រះជាម្ចាស់ យ៉ាងកាចសាហាវបំផុតហើយខ្ញុំក៏ចង់កម្ទេចព្រះសហគមន៍នេះ ទៀតផង។ ១៤ ខ្ញុំកាន់សាសនាយូដាយ៉ាងល្អប្រសើរ ជាងអស់អ្នកដែលមានអាយុស្រករៗខ្ញុំ និងជាជនរួមជាតិរបស់ខ្ញុំទៅទៀត ដ្បិតខ្ញុំមានចិត្តខ្នះខ្នែងកាន់តាមប្រពៃណីបុព្វបុរសរបស់ខ្ញុំហួសប្រមាណ។
១៥ ក៏ប៉ុន្តែ ព្រះជាម្ចាស់បានជ្រើសរើសខ្ញុំទុកដោយឡែកតាំងពីក្នុងផ្ទៃម្ដាយមកម៉្លេះ ហើយព្រះអង្គបានត្រាស់ហៅខ្ញុំ ដោយព្រះហឫទ័យប្រណីសន្តោសរបស់ព្រះអង្គ។ ១៦ នៅពេលព្រះអង្គសព្វព្រះហឫទ័យសម្ដែងឲ្យខ្ញុំស្គាល់ព្រះបុត្រារបស់ព្រះអង្គ ដើម្បីឲ្យខ្ញុំនាំដំណឹងល្អអំពីព្រះបុត្រា ទៅជូនសាសន៍ដទៃខ្ញុំពុំបានទៅសួរយោបល់ពីមនុស្សណាម្នាក់កឡើយ។ ១៧ ខ្ញុំក៏ពុំបានឡើងទៅក្រុងយេរូសាឡឹម ដើម្បីជួបអស់លោកដែលជាគ្រីស្តទូតមុនខ្ញុំដែរគឺខ្ញុំបានធ្វើដំណើរទៅស្រុកអារ៉ាប៊ី រួចក៏ត្រឡប់មកក្រុងដាម៉ាសវិញ។
១៨បីឆ្នាំក្រោយមក ខ្ញុំបានឡើងទៅក្រុងយេរូសាឡឹម ដើម្បីឲ្យបានស្គាល់លោកកេផាសហើយខ្ញុំស្នាក់នៅជាមួយលោក អស់រយៈពេលដប់ប្រាំថ្ងៃ។ ១៩ ប៉ុន្តែ ខ្ញុំពុំបានជួបនឹងគ្រីស្តទូត*ណាផ្សេងទៀតឡើយ លើកលែងតែលោកយ៉ាកុប ជាបងប្អូនរបស់ព្រះអម្ចាស់ប៉ុណ្ណោះ។ ២០ សេចក្ដីដែលខ្ញុំសរសេរមកជូនបងប្អូននេះឥតកុហកទេមានព្រះជាម្ចាស់ជាសាក្សីស្រាប់។
២១ បន្ទាប់មកទៀតខ្ញុំបានធ្វើដំណើរទៅតំបន់ផ្សេងៗនៅស្រុកស៊ីរី និងស្រុកស៊ីលីស៊ី ២២ តែព្រះសហគមន៍នានា ដែលជឿព្រះគ្រីស្តនៅស្រុកយូដាពុំបានស្គាល់មុខខ្ញុំទេ។ ២៣ បងប្អូនទាំងនោះគ្រាន់តែបានឮគេនិយាយថា ”អ្នកដែលបៀតបៀនយើងកាលពីដើម ឥឡូវនេះគាត់បែរជាផ្សព្វផ្សាយដំណឹងល្អ អំពីជំនឿដែលគាត់ចង់កម្ទេចពីមុននោះទៅវិញ!”។២៤ គេក៏នាំគ្នាលើកតម្កើងសិរីរុងរឿងរបស់ព្រះជាម្ចាស់ ព្រោះតែខ្ញុំ។
ជំពូក ២
ការព្រមព្រៀងនៅក្រុងយេរូសាឡឹម
១ ដប់បួនឆ្នាំក្រោយមក ខ្ញុំក៏បានឡើងទៅក្រុងយេរូសាឡឹមម្ដងទៀត ជាមួយលោកបារណាបាទាំងនាំលោកទីតូទៅជាមួយដែរ។ ២ ខ្ញុំឡើងទៅក្រុងយេរូសាឡឹមដូច្នេះ មកពីព្រះជាម្ចាស់បំភ្លឺចិត្តឲ្យដឹងថា ខ្ញុំត្រូវទៅ។ ខ្ញុំបានរៀបរាប់ប្រាប់បងប្អូនដែលនៅទីនោះអំពីដំណឹងល្អដែលខ្ញុំប្រកាសដល់សាសន៍ដទៃ ហើយខ្ញុំក៏បានរៀបរាប់ប្រាប់អស់លោក ជាអ្នកដឹកនាំដាច់ឡែកពីគេដែរ ដើម្បីកុំឲ្យកិច្ចការដែលខ្ញុំកំពុងតែធ្វើ ឬបានធ្វើរួចមកហើយ ត្រឡប់ទៅជាអសារឥតការវិញ។ ៣ រីឯលោកទីតូដែលទៅជាមួយខ្ញុំ ទោះបីគាត់ជាសាសន៍ក្រិកក្ដី ក៏គេពុំបានបង្ខំគាត់ឲ្យទទួលពិធីកាត់ស្បែក*ដែរ ៤ថ្វីដ្បិតតែមានពួកបងប្អូនក្លែងក្លាយជ្រៀតខ្លួនចូលមកក្នុងចំណោមយើង ដើម្បីឈ្លបមើលសេរីភាព ដែលយើងមានក្នុងអង្គព្រះគ្រីស្តយេស៊ូ ក្នុងគោលបំណងធ្វើឲ្យយើងធ្លាក់ទៅជាទាសករខវិញ។ ៥យើងពុំបានសុខចិត្តធ្វើតាមពួកគេឡើយ សូម្បីតែមួយភ្លែតក៏មិនធ្វើតាមផង ដើម្បីរក្សាការពារសេចក្ដីពិត នៃដំណឹងល្អសម្រាប់បងប្អូន។ ៦ រីឯបងប្អូន ដែលគេគោរពទុកជាអ្នកដឹកនាំនោះវិញ(នៅពេលនោះគេមានឋានៈជាអ្វីក៏ដោយក៏ខ្ញុំមិនរវល់ដែរដ្បិតព្រះជាម្ចាស់មិនរើសមុខនរណាទេ) អ្នកដឹកនាំទាំងនោះពុំបានបង្ខំខ្ញុំ ឲ្យធ្វើអ្វីផ្សេងទៀតឡើយ។៧ផ្ទុយទៅវិញ គេបានឃើញថា ព្រះជាម្ចាស់ប្រគល់មុខងារផ្សព្វផ្សាយដំណឹងល្អ*ដល់សាសន៍ដទៃ មកឲ្យខ្ញុំ ដូចព្រះអង្គបានប្រគល់មុខងារផ្សព្វផ្សាយដំណឹងល្អដល់សាសន៍យូដាឲ្យបងសិលាដែរ ៨ ដ្បិតព្រះជាម្ចាស់ដែលប្រោសប្រទានឲ្យបងសិលា អាចបំពេញមុខងារជាគ្រីស្តទូត* សម្រាប់សាសន៍យូដាយ៉ាងណា ព្រះអង្គក៏ប្រោសប្រទានឲ្យខ្ញុំអាចបំពេញមុខងារជាគ្រីស្តទូតសម្រាប់សាសន៍ដទៃ យ៉ាងនោះដែរ។ ៩ កាលលោកយ៉ាកុប លោកកេផាស និងលោកយ៉ូហាន ដែលពួកបងប្អូនចាត់ទុកដូចជាបង្គោលរបស់ព្រះសហគមន៍ បានទទួលស្គាល់ថា ព្រះជាម្ចាស់ប្រោសប្រណីគដល់ខ្ញុំដូច្នេះ ក្រុមគាត់ក៏បានចាប់ដៃខ្ញុំ និងចាប់ដៃលោកបារណាបាទុកជាសញ្ញាថា យើងរួបរួមគ្នា គឺបងបារណាបានិងខ្ញុំទៅផ្សាយដំណឹងល្អដល់សាសន៍ដទៃ រីឯក្រុមគាត់វិញទៅប្រកាសដំណឹងល្អដល់សាសន៍យូដា។ ១០ អស់លោកគ្រាន់តែសុំឲ្យយើងគិតគូរដល់ជនក្រីក្រឃ ជាកិច្ចការដែលខ្ញុំខ្នះខ្នែងបំពេញស្រាប់ហើយ។
ការខ្វែងគំនិតគ្នាអន់ទីយ៉ូក
១១ ក៏ប៉ុន្តែ នៅពេលដែលបងកេផាមកដល់ក្រុងអន់ទីយ៉ូក ខ្ញុំក៏ជំទាស់នឹងលោកនៅមុខគេឯងទាំងអស់គ្នា ព្រោះលោកបានធ្វើខុស។ ១២បងយ៉ាកុបបានចាត់អ្នកខ្លះឲ្យមកក្រុងអន់ទីយ៉ូក។ មុនពេលអ្នកទាំងនោះមកដល់ បងកេផាតែងបរិភោគរួមជាមួយបងប្អូនសាសន៍ដទៃ តែពេលអ្នកទាំងនោះមកដល់គាត់បែរជាដកខ្លួនថយចេញ ដាច់ឡែកពីបងប្អូនសាសន៍ដទៃ ព្រោះគាត់ខ្លាចបងប្អូនសាសន៍យូដាង។១៣ បងប្អូនសាសន៍យូដាឯទៀតៗ នាំគ្នាលាក់ពុតដូចគាត់ គឺសូម្បីតែបងបារណាបាផ្ទាល់ ក៏ត្រូវគេអូសទាញឲ្យលាក់ពុតដូចគេដែរ។ ១៤ ពេលខ្ញុំឃើញបងប្អូនទាំងនោះលែងដើរត្រង់តាមសេចក្ដីពិតនៃដំណឹងល្អហើយនោះ ខ្ញុំក៏ជម្រាបបងកេផានៅមុខគេឯងទាំងអស់គ្នាថា៖ “បើបងដែលជាសាសន៍យូដាលែងប្រព្រឹត្តតាមរបៀបសាសន៍យូដាទៀត តែបែរជាប្រព្រឹត្តតាមរបៀបសាសន៍ដទៃដូច្នេះ តើបងអាចបង្ខំសាសន៍ដទៃឲ្យធ្វើដូចសាសន៍យូដាម្តេចកើត?”។
១៥ រីឯយើងវិញ យើងជាជាតិយូដាពីកំណើតមកយើងមិនមែនជាអ្នកមានបាប ដូចសាសន៍ដទៃនោះទេ។ ១៦យើងដឹងថា ព្រះជាម្ចាស់ពុំប្រោសមនុស្សឲ្យបានសុចរិត ដោយការប្រព្រឹត្តតាមធម្មវិន័យទេគឺបានសុចរិត ដោយសារជំនឿរបស់ព្រះយេស៊ូគ្រីស្តវិញ។ដូច្នេះ យើងផ្ញើជីវិតលើព្រះយេស៊ូគ្រីស្តដែរ ដើម្បីព្រះជាម្ចាស់ប្រោសយើងឲ្យបានសុចរិត មកពីជំនឿរបស់ព្រះគ្រីស្តច គឺមិនមែនដោយបានប្រព្រឹត្តតាមធម្មវិន័យនោះទេ ព្រោះគ្មាននរណាម្នាក់បានសុចរិតដោយប្រព្រឹត្តតាមធម្មវិន័យឡើយ។ ១៧ប៉ុន្តែ ប្រសិនបើយើងប្រាថ្នាចង់បានសុចរិត ដោយរួមក្នុងព្រះគ្រីស្ត(តែក្រោយមក) បែរជាឃើញថាយើងនៅតែជាប់បាបដូចគេនោះ បានសេចក្ដីថាព្រះគ្រីស្តនាំឲ្យយើងជាប់បាប។ ទេ! មិនមែនដូច្នោះទេ! ១៨ (ព្រោះថា)ប្រសិនបើខ្ញុំបែរទៅពឹងលើធម្មវិន័យវិញ គឺធម្មវិន័យដែលខ្ញុំបានបោះចោលហើយនោះ បានសេចក្ដីថាខ្ញុំទទួលសារភាពថា ខ្ញុំប្រព្រឹត្តបំពានឆលើធម្មវិន័យ។១៩ ដោយសារធម្មវិន័យ ដែលបណ្ដាលឲ្យគេធ្វើគុត ព្រះគ្រីស្ត ខ្ញុំលែងរស់នៅទាំងខិតខំគោរពធម្មវិន័យជទៀតហើយ តែខ្ញុំរស់នៅទាំងថ្វាយខ្លួនព្រះជាម្ចាស់វិញ។ ខ្ញុំជាប់ឈើឆ្កាងរួមជាមួយព្រះគ្រីស្ត ២០ ដូច្នេះមិនមែនខ្ញុំទេដែលរស់ទៀតនោះ គឺព្រះគ្រីស្តទេតើដែលរស់នៅក្នុងរូបខ្ញុំ។ រីឯ ជីវិតខ្ញុំនៅពេលនេះ ខ្ញុំរស់ដោយរួមជំនឿ ជាមួយព្រះបុត្រារបស់ព្រះជាម្ចាស់ដែលបានស្រឡាញ់ខ្ញុំ និង បានបូជាព្រះជន្មសម្រាប់ខ្ញុំ។ ២១ខ្ញុំមិនលុបបំបាត់ព្រះហឫទ័យប្រោសប្រណីរបស់ព្រះជាម្ចាស់ឡើយ។ ផ្ទុយទៅវិញប្រសិនបើព្រះជាម្ចាស់ប្រោសឲ្យមនុស្សបានសុចរិតដោយសារធម្មវិន័យនោះ បានសេចក្ដីថា ព្រះគ្រីស្តសោយទិវង្គតដោយឥតបានការអ្វីសោះ!
ជំនឿ និង ធម្មវិន័យ
៣១ បងប្អូនកាឡាទីដ៏ល្ងីល្ងើអើយ! តើបងប្អូនត្រូវអំពើរបស់នរណា? បងប្អូនបានទទួលសេចក្ដីបរិយាយ អំពីព្រះយេស៊ូគ្រីស្តដែលត្រូវគេឆ្កាងនោះយ៉ាងច្បាស់លាស់ហើយទេតើ! ២ ខ្ញុំគ្រាន់តែចង់ដឹងសេចក្ដីមួយប៉ុណ្ណោះ សូមបងប្អូនប្រាប់ខ្ញុំមើល៍ តើបងប្អូនបានទទួលព្រះវិញ្ញាណ មកពីបងប្អូន បានប្រព្រឹត្តតាមធម្មវិន័យ ឬមកពីជឿដំណឹងល្អដែលបងប្អូនបានស្ដាប់? ៣ ម្ដេចក៏បងប្អូនល្ងីល្ងើម៉្លេះ! បងប្អូនចាប់ផ្ដើមជីវិតថ្មីដោយព្រះវិញ្ញាណ តែឥឡូវនេះម្តេចក៏ចង់បញ្ចប់តាមរបៀបលោកីយ៍វិញដូច្នេះ? ៤ បងប្អូនមានបទពិសោធន៍យ៉ាងច្រើននោះ តើអសារឥតការឬ? ទេ! មិនមែនឥតបានការឡើយ!ឈ ៥ ព្រះជាម្ចាស់បានប្រទានព្រះវិញ្ញាណមកបងប្អូន និងបញ្ចេញសកម្មភាពដោយសម្ដែងបាដិហារិយ៍ផ្សេងៗ ក្នុងចំណោមបងប្អូននោះ តើព្រះអង្គធ្វើដូច្នេះមកពីបងប្អូនប្រព្រឹត្តតាមធម្មវិន័យ ឬមកពីបងប្អូនបានជឿដំណឹងល្អ ដែលបងប្អូនបានស្ដាប់? ៦លោកអប្រាហាំជឿលើព្រះជាម្ចាស់ ហើយព្រះអង្គប្រោសឲ្យលោកបានសុចរិត ដោយយល់ដល់ជំនឿនេះញ។ ៧ ដូច្នេះសូមបងប្អូនយល់ថា អ្នកណាមានជំនឿ អ្នកនោះហើយជាកូនចៅរបស់លោកអប្រាហាំ។៨ ក្នុងគម្ពីរមានគ្រោងទុកជាមុនថាព្រះជាម្ចាស់នឹងប្រោសសាសន៍ដទៃឲ្យបានសុចរិត ដោយសារជំនឿ ហើយលោកអប្រាហាំបានទទួលដំណឹងល្អនេះ ជាមុនថា«ជាតិសាសន៍ទាំងអស់ នឹងទទួលពរដោយសារអ្នក»ដ។៩ហេតុនេះ អស់អ្នកដែលមានជំនឿក៏បានទទួលព្រះពរ រួមជាមួយលោកអប្រាហាំដែលមានជំនឿនោះដែរ។ ១០ រីឯអស់អ្នកដែលពឹងផ្អែកលើកុសលផលបុណ្យតាមធម្មវិន័យនោះវិញ គេត្រូវបណ្ដាសាហើយ ដ្បិតមានចែងទុកមកថា «អ្នកណាមិនប្រតិបត្តិតាមសេចក្ដីទាំងប៉ុន្មាន ដែលមានចែងទុកក្នុងគម្ពីរធម្មវិន័យយ៉ាងខ្ជាប់ខ្ជួនទេនោះ អ្នកនោះត្រូវបណ្ដាសាហើយ»ឋ។ ១១ មួយវិញទៀត យើងដឹងច្បាស់ថា គ្មាននរណាម្នាក់បានសុចរិតនៅចំពោះព្រះភ័ក្ត្រព្រះជាម្ចាស់ ដោយសារធម្មវិន័យនោះឡើយដ្បិត «មនុស្សសុចរិតដោយសារជំនឿ នឹងមានជីវិត»ឌ។១២ រីឯធម្មវិន័យប្លែកពីជំនឿទាំងស្រុង ព្រោះមានចែងថា «អ្នកណាប្រតិបត្តិតាមសេចក្ដីទាំងអស់ចែងក្នុងធម្មវិន័យនឹងមានជីវិត ដោយបានប្រព្រឹត្តតាមសេចក្ដីទាំងនោះ»ឍ។ ១៣ ដោយព្រះគ្រីស្តបានទទួលបណ្ដាសាសម្រាប់យើង ទ្រង់លោះយើងឲ្យរួចផុតពីបណ្ដាសាដែលមកពីធម្មវិន័យ ដ្បិតមានចែងទុកមកថា «អ្នកណាដែលត្រូវគេព្យួរជាប់នឹងឈើអ្នកនោះត្រូវបណ្ដាសាហើយ!»ណ។ ១៤ហេតុការណ៍នេះកើតដូច្នេះ ដើម្បីឲ្យព្រះពរដែលលោកអប្រាហាំទទួលបានហូរទៅដល់សាសន៍ដទៃ ដោយសារព្រះគ្រីស្តយេស៊ូដែរ ហើយឲ្យយើងទទួលព្រះវិញ្ញាណដែលព្រះជាម្ចាស់បានសន្យាថា នឹងប្រទានមក ដោយយើងមានជំនឿ។
ធម្មវិន័យ និង ព្រះបន្ទូលសន្យា
១៥ ខ្ញុំសូមលើកយកឧទាហរណ៍មួយ មកជម្រាបបងប្អូនថា ប្រសិនបើពាក្យបណ្ដាំរបស់មនុស្សចែងទុកត្រឹមត្រូវហើយ គ្មាននរណាម្នាក់លុបបំបាត់ ឬបន្ថែមបន្ថយអ្វីបានទេ។ ១៦ យ៉ាងណាមិញ ព្រះជាម្ចាស់មានព្រះបន្ទូលសន្យាដល់លោកអប្រាហាំ និងដល់ពូជពង្សរបស់លោក។ ក្នុងគម្ពីរពុំមានចែងថា«ដល់ពូជពង្សទាំងឡាយ» ហាក់ដូចជា សំដៅទៅលើពូជពង្សដ៏ច្រើនឡើយ គឺសំដៅទៅលើពូជពង្សតែម្នាក់ប៉ុណ្ណោះ ៖ «ដល់ពូជពង្សរបស់អ្នក» ពោលគឺដល់ព្រះគ្រីស្ត។ ១៧ ខ្ញុំនិយាយដូច្នេះ ចង់ពន្យល់ថា ព្រះជាម្ចាស់បានទុកពាក្យបណ្ដាំមួយយ៉ាងត្រឹមត្រូវរួចស្រេចហើយ។ រីឯវិន័យដែលមកដល់បួនរយសាមសិបឆ្នាំក្រោយមកទៀតនោះ ពុំបានលុបបំបាត់ពាក្យបណ្ដាំរបស់ព្រះអង្គឡើយ បើពុំនោះទេព្រះបន្ទូលសន្យាមុខជាបាត់ខ្លឹមសារមិនខាន។ ១៨ ប្រសិនបើព្រះជាម្ចាស់ប្រទានមត៌កមកមនុស្ស ព្រោះគេប្រព្រឹត្តតាមធម្មវិន័យ បានសេចក្ដីថា គេមិនទទួលមត៌កនោះតាមព្រះបន្ទូលសន្យាទៀតឡើយ។ ក៏ប៉ុន្តែ ព្រះជាម្ចាស់ប្រោសប្រណីលោកអប្រាហាំ ដោយសារព្រះបន្ទូលសន្យារបស់ព្រះអង្គ។
១៩បើដូច្នោះតើធម្មវិន័យមានប្រយោជន៍អ្វី? ធម្មវិន័យមកតាមក្រោយ ដើម្បីបង្ហាញបទល្មើសរបស់មនុស្ស ហើយមានខ្លឹមសាររហូតទាល់តែពូជពង្សត ដែលត្រូវទទួលមត៌កតាមព្រះបន្ទូលសន្យា យាងមកដល់។ ពួកទេវទូត*បាននាំយកធម្មវិន័យនេះមក តាមរយៈមនុស្សម្នាក់ដែលធ្វើអន្តរាគមន៍ថ។ ២០ប៉ុន្តែប្រសិនបើមានតែម្នាក់នោះ មិនបាច់ឲ្យមាននរណាធ្វើអន្តរាគមន៍ឡើយ។ រីឯព្រះជាម្ចាស់វិញ មានតែមួយព្រះអង្គប៉ុណ្ណោះ។
២១ ដូច្នេះតើបានសេចក្ដីថា ធម្មវិន័យទាស់នឹងព្រះបន្ទូលសន្យាឬ? ទេ! មិនមែនដូច្នោះទេ! ប្រសិនបើធម្មវិន័យដែលមនុស្សបានទទួល អាចផ្ដល់ជីវិត បានសេចក្ដីថា មនុស្សនឹងបានសុចរិតដោយសារធម្មវិន័យមែន ២២ ក៏ប៉ុន្តែ ក្នុងគម្ពីរមានចែងថា អ្វីៗទាំងអស់សុទ្ធតែនៅក្រោមអំណាចបាប ដើម្បីឲ្យអស់អ្នកជឿបានទទួលផល ស្របតាមព្រះបន្ទូលសន្យា ដោយសារជំនឿរបស់ព្រះយេស៊ូគ្រីស្ត។
២៣ មុនពេលជំនឿមកដល់ យើងជាប់ឃុំឃាំងក្រោមអំណាចរបស់ធម្មវិន័យ ទាំងរង់ចាំជំនឿដែលនឹងត្រូវលេចចេញមក។ ២៤ ដូច្នេះវិន័យមាននាទីណែនាំយើងទៅកាន់ព្រះគ្រីស្ត ដើម្បីឲ្យយើងបានសុចរិតដោយសារជំនឿ។ ២៥ កាលណាជំនឿមកដល់ហើយ យើងមិនស្ថិតនៅក្រោមធម្មវិន័យដែលណែនាំយើងនោះទៀតទេ ២៦ ដ្បិតដោយសារជំនឿលើព្រះគ្រីស្តយេស៊ូ បងប្អូនសុទ្ធតែជាបុត្រធីតារបស់ព្រះជាម្ចាស់។ ២៧ បងប្អូនទាំងអស់គ្នាបានទទួលពិធីជ្រមុជទឹក* ដើម្បីឲ្យបានរួមជាមួយព្រះគ្រីស្តបងប្អូនក៏មានព្រះគ្រីស្តនៅជាប់ជាមួយដែរទ។
២៨ដូច្នេះគ្មានសាសន៍យូដា គ្មានសាសន៍ក្រិកទៀតទេ ហើយក៏គ្មានទាសករ គ្មានអ្នកជា គ្មានបុរសគ្មានស្ត្រីទៀតដែរ គឺបងប្អូនទាំងអស់បានរួមគ្នាមកជាអង្គតែមួយ ក្នុងព្រះគ្រីស្តយេស៊ូ។ ២៩ប្រសិនបើបងប្អូនចូលរួមជាមួយព្រះគ្រីស្ត បងប្អូនជាពូជពង្សរបស់លោកអប្រាហាំ ហើយក៏ត្រូវទទួលមត៌កតាមព្រះបន្ទូលសន្យាដែរ។
ជំពូក ៤
១ ខ្ញុំសូមជម្រាបថា ដរាបណាកូនដែលត្រូវទទួលមត៌កនៅក្មេងនៅឡើយ គេមិនខុសពីទាសករទេ ថ្វីដ្បិតតែគេជាម្ចាស់លើទ្រព្យសម្បត្តិទាំងអស់ក៏ដោយ ២ កូននោះនៅក្រោមការគ្របគ្រងរបស់អ្នកអាណាព្យាបាល និងអ្នកមើលខុសត្រូវលើទ្រព្យសម្បត្តិ រហូតដល់ពេលដែលឪពុកបានកំណត់ទុក។៣ រីឯយើងវិញក៏ដូច្នោះដែរ កាលនៅក្មេងខ្ចីធនៅឡើយយើងធ្វើជាទាសករនៃអ្វីៗជាអរូប ដែលមានឥទ្ធិពលលើលោកីយ៍ននេះ ៤ ប៉ុន្តែលុះដល់ពេលកំណត់ហើយព្រះជាម្ចាស់ក៏ចាត់ព្រះបុត្រារបស់ព្រះអង្គ ឲ្យមកប្រសូតចេញពីស្ត្រី ហើយប្រសូតក្រោមអំណាចរបស់ធម្មវិន័យផង ៥ ដើម្បីលោះអស់អ្នកដែលស្ថិតនៅក្រោមអំណាចធម្មវិន័យ និងឲ្យយើងទទួលឋានៈជាបុត្រធីតាបរបស់ព្រះអង្គ។ ៦ បងប្អូនពិតជាបុត្រធីតារបស់ព្រះជាម្ចាស់មែន ព្រោះព្រះអង្គបានចាត់ព្រះវិញ្ញាណនៃព្រះបុត្រារបស់ព្រះអង្គ ឲ្យមកសណ្ឋិតក្នុងចិត្តយើង គឺព្រះវិញ្ញាណនេះហើយដែលបន្លឺព្រះសូរសៀងឡើងថា «អប្បាផ! ឱព្រះបិតា!»។ ៧ ដូច្នេះអ្នកមិនមែនជាទាសករទៀតទេ គឺអ្នកជាបុត្រធីតារបស់ព្រះអង្គវិញ។ បើអ្នកជាបុត្រធីតាមែន អ្នកក៏ត្រូវទទួលមត៌កដែលព្រះជាម្ចាស់ប្រទានឲ្យនោះដែរ។
គ្រីស្តទូតប៉ូលព្រួយបារម្ភ
៨ កាលពីដើម បងប្អូនពុំស្គាល់ព្រះជាម្ចាស់ទេហើយក៏ធ្វើជាទាសកររបស់ព្រះនានា ដែលមិនមែនជាព្រះពិតប្រាកដ។ ៩ តែឥឡូវនេះ បងប្អូនស្គាល់ព្រះជាម្ចាស់ បើនិយាយឲ្យចំ ព្រះអង្គបានស្គាល់បងប្អូនវិញ ហេតុដូចម្ដេចបានជា បងប្អូនបែរជាវិលទៅចុះចូលនឹងធាតុដ៏អរូបី ដែលមានឥទ្ធិពលលើលោកីយ៍ ហើយចង់ទៅជាទាសករនៃធាតុដ៏ទន់ខ្សោយគ្មានបារមីទាំងនោះ សាជាថ្មីវិញដូច្នេះ? ១០ បើបងប្អូនគោរពថ្ងៃខែ គោរពរដូវ និងគោរពឆ្នាំ។ ១១ខ្ញុំបារម្ភក្រែងតែការនឿយហត់ដែលខ្ញុំធ្វើសម្រាប់បងប្អូនត្រឡប់ទៅជាឥតបានផលអ្វីសោះ។
១២ ខ្ញុំអង្វរបងប្អូនថា សូមកាន់ចិត្តឲ្យបានដូចខ្ញុំព្រោះខ្ញុំបានកាន់ចិត្តដូចបងប្អូនដែរ។ បងប្អូនពុំបានធ្វើអ្វីខុសចំពោះរូបខ្ញុំទេ។ ១៣បងប្អូនជ្រាបស្រាប់ហើយថា ខ្ញុំបាននាំដំណឹងល្អមកជូនបងប្អូនជាលើកទីមួយ មកពីខ្ញុំមានជំងឺ។ ១៤ ក៏ប៉ុន្តែ ទោះបីជំងឺរបស់ខ្ញុំបណ្ដាលឲ្យបងប្អូនលំបាកយ៉ាងណាក៏ដោយ ក៏បងប្អូនពុំបានមើលងាយ ឬស្អប់ខ្ពើមខ្ញុំដែរ ផ្ទុយទៅវិញបងប្អូនបានទទួលខ្ញុំ ទុកដូចទទួលទេវទូត*របស់ព្រះជាម្ចាស់ ឬដូចទទួលព្រះគ្រីស្តយេស៊ូដែរ។ ១៥ តើអំណរសប្បាយដែលបងប្អូនធ្លាប់មានកាលពីមុននោះនៅឯណា? ដ្បិតខ្ញុំហ៊ានធ្វើជាសាក្សីថា នៅពេលនោះ សូម្បីតែភ្នែករបស់បងប្អូនក៏បងប្អូនសុខចិត្តខ្វេះឲ្យខ្ញុំដែរ ប្រសិនបើបងប្អូនអាចធ្វើបាន។ ១៦ឥឡូវនេះតើបងប្អូនចាត់ទុកខ្ញុំជាសត្រូវ មកពីខ្ញុំនិយាយសេចក្ដីពិតឬ?
១៧ រីឯពួកគេវិញ គេយកចិត្តទុកដាក់នឹងបងប្អូនណាស់ តែក្នុងគោលបំណងមិនល្អទេ គេចង់បំបែកបងប្អូនចេញពីយើង ដើម្បីឲ្យបងប្អូនយកចិត្តទុកដាក់ចំពោះគេវិញតែប៉ុណ្ណោះ។ ១៨ការយកចិត្តទុកដាក់ដោយមានគោលបំណងល្អគ្រប់ពេលវេលានោះ ត្រឹមត្រូវហើយ គឺមិនគ្រាន់តែនៅពេលដែលខ្ញុំនៅជាមួយប៉ុណ្ណោះទេ។ ១៩ កូនចៅអើយ! ខ្ញុំឈឺចាប់ក្នុងការបង្កើតកូនចៅសាជាថ្មី ប្រៀបបីដូចស្ត្រីឈឺចាប់នៅពេលហៀបនឹងឆ្លងទន្លេយ៉ាងនោះដែរគឺរហូតទាល់តែព្រះគ្រីស្តបានកើតជារូបរាងឡើងក្នុងបងប្អូន។ ២០ ខ្ញុំចង់នៅជិតបងប្អូនឥឡូវនេះណាស់ដើម្បីនិយាយជាមួយបងប្អូនផ្ទាល់ តាមរបៀបមួយផ្សេងទៀតដ្បិតខ្ញុំទ័លគំនិត មិនដឹងជាត្រូវសរសេរយ៉ាងដូចម្ដេចមកបងប្អូនទេ។
សម្ពន្ធមេត្រីចាស់ និង សម្ពន្ធមេត្រីថ្មី
២១ បងប្អូន ដែលជាអ្នកចង់ចុះចូលនឹងធម្មវិន័យអើយ! សូមប្រាប់ខ្ញុំមើល៍តើបងប្អូនមិនយល់សេចក្ដីដែលមានចែងទុកក្នុងវិន័យមកទេឬ? ២២ ក្នុងគម្ពីរមានចែងទុកមកថា លោកអប្រាហាំមានកូនប្រុសពីរនាក់ គឺម្នាក់ជាកូនរបស់ស្ត្រីជាទាសករ ម្នាក់ទៀតជាកូនរបស់ស្ត្រីអ្នកជាព។ ២៣ ក៏ប៉ុន្តែកូនរបស់ស្ត្រីទាសករនោះ កើតមកតាមរបៀបលោកីយ៍ រីឯកូនរបស់ស្ត្រីអ្នកជាវិញ កើតមកតាមព្រះបន្ទូលសន្យារបស់ព្រះជាម្ចាស់។ ២៤យើងអាចចាត់ទុករឿងនេះជានិមិត្តរូបមួយដែរ ដ្បិតស្ត្រីទាំងពីរនេះជាតំណាងសម្ព័ន្ធមេត្រី*ពីរម្នាក់ជាតំណាងនៃសម្ព័ន្ធមេត្រី ដែលចងនៅភ្នំស៊ីណៃភ ពោលគឺនាងហាការដែលបង្កើតកូនជាទាសករ។ ២៥ នាងហាការជាតំណាងភ្នំស៊ីណៃ នៅស្រុកអារ៉ាប៊ី ជានិមិត្តរូបនៃក្រុងយេរូសាឡឹមសព្វថ្ងៃនេះម ដ្បិតនាងហាការនិង កូនចៅរបស់នាងសុទ្ធតែជាទាសករ។ ២៦ រីឯ ក្រុងយេរូសាឡឹមនៅស្ថានលើវិញយ គឺស្ត្រីអ្នកជាដែលជាមាតារបស់យើងហ្នឹងហើយ ២៧ដ្បិតមានចែងទុកមកថា៖ «នាងជាស្ត្រីអារនាងជាស្ត្រីមិនបានបង្កើតកូនអើយ! ចូរអរសប្បាយឡើង! នាងដែលពុំធ្លាប់ឈឺផ្ទៃអើយ! ចូរបន្លឺសំឡេងស្រែកដោយអំណរឡើង! ដ្បិតកូនរបស់ស្ត្រីដែលប្ដីបោះបង់ចោលនោះ មានចំនួនច្រើនជាងកូនរបស់ស្ត្រី ដែលមានប្ដីទៅទៀត។»រ
២៨បងប្អូនជាបុត្រធីតា តាមព្រះបន្ទូលសន្យាដូចលោកអ៊ីសាកដែរ។ ២៩ ប៉ុន្តែពីអតីតកាល កូនដែលកើតមកតាមរបៀបលោកីយ៍ ធ្វើទុក្ខបៀតបៀនកូនដែលកើតមកតាមព្រះវិញ្ញាណយ៉ាងណា នៅបច្ចុប្បន្នកាលក៏នឹងមានយ៉ាងនោះដែរ។ ៣០តើក្នុងគម្ពីរមានចែងទុកដូចម្ដេច? គឺមានចែងថា៖«ចូរបណ្ដេញស្ត្រីអ្នកបម្រើ និងកូនរបស់នាងចេញទៅ ដ្បិតកូនរបស់ស្ត្រីអ្នកជាពុំត្រូវទទួលមត៌ករួម ជាមួយកូនរបស់ស្ត្រីទាសករឡើយ»ល។ ៣១ ហេតុនេះយើងមិនមែនជាកូនរបស់ស្ត្រីទាសករទេគឺជាកូនរបស់ស្ត្រីអ្នកជា។
ជំពូក ៥
សេរីភាពរបស់គ្រីស្តបរិស័ទ
១ ព្រះគ្រីស្តបានរំដោះយើង ឲ្យមានសេរីភាពពិតប្រាកដ ហេតុនេះចូររក្សាសេរីភាពនេះឲ្យបានខ្ជាប់ខ្ជួន កុំបណ្ដោយខ្លួនធ្លាក់ទៅជាទាសករទៀតឡើយ។
២ រីឯខ្ញុំប៉ូល ខ្ញុំសូមជម្រាបបងប្អូនថា ប្រសិនបើ បងប្អូនទទួលពិធីកាត់ស្បែក*នោះ ព្រះគ្រីស្តលែងមានប្រយោជន៍អ្វីដល់បងប្អូនទៀតហើយ។៣ ចំពោះអស់អ្នកដែលចង់ទទួលពិធីកាត់ស្បែក ខ្ញុំសូមបញ្ជាក់ប្រាប់ម្ដងទៀតថា ត្រូវតែកាន់តាមធម្មវិន័យទាំងស្រុងផងទៅ។ ៤ ប្រសិនបើបងប្អូនណាចង់បានសុចរិតដោយកាន់ធម្មវិន័យ បងប្អូននោះបែកចេញពីព្រះគ្រីស្ត ហើយក៏ដាច់ចេញពីព្រះហឫទ័យប្រោសប្រណីរបស់ព្រះជាម្ចាស់ដែរ។ ៥ រីឯយើងវិញ ដោយយើងមានជំនឿ ព្រះវិញ្ញាណនឹងជួយយើងឲ្យទន្ទឹងរង់ចាំព្រះជាម្ចាស់ប្រោសឲ្យយើងបានសុចរិត ស្របតាមសេចក្ដីសង្ឃឹមរបស់យើងជាមិនខាន។ ៦ ចំពោះអ្នកដែលរួមរស់ជាមួយព្រះគ្រីស្តយេស៊ូ ការកាត់ស្បែកឬមិនកាត់ស្បែកនោះ មិនសំខាន់អ្វីឡើយគឺមានតែជំនឿដែលនាំឲ្យប្រព្រឹត្តអំពើផ្សេងៗ ដោយចិត្តស្រឡាញ់ប៉ុណ្ណោះទើបសំខាន់។
៧ បងប្អូនបានចាប់ផ្តើមជឿល្អណាស់វ តើនរណារារាំងបងប្អូន មិនឲ្យស្ដាប់បង្គាប់សេចក្ដីពិតដូច្នេះ? ៨ ការបញ្ចុះបញ្ចូលបែបនេះមិនមែនមានប្រភព មកពីព្រះជាម្ចាស់ដែលបានត្រាស់ហៅបងប្អូនទេ។ ៩ «មេម្សៅតែបន្តិច អាចធ្វើឲ្យម្សៅទាំងមូលដោរឡើងបាន»ស។ ១០ ចំពោះខ្ញុំ ព្រះអម្ចាស់ធ្វើឲ្យខ្ញុំទុកចិត្តបងប្អូនថា បងប្អូនមុខជាមិនបែកគំនិតទៅរកអ្វីផ្សេងសោះឡើយ។ រីឯអ្នកដែលធ្វើឲ្យបងប្អូនកើតវឹកវរនោះវិញ ទោះជានរណាក៏ដោយ គេត្រូវតែទទួលទោសពុំខាន។ ១១បងប្អូន! ចំពោះខ្ញុំវិញ ប្រសិនបើខ្ញុំប្រកាសឲ្យធ្វើពិធីកាត់ស្បែកទៀតនោះ ម្ដេចក៏គេនៅតែបៀតបៀនខ្ញុំទៀត? ប្រសិនបើខ្ញុំប្រកាសដូច្នេះ ដំណឹងល្អអំពីព្រះគ្រីស្តត្រូវគេឆ្កាង នឹងលែងធ្វើឲ្យគេរវាតចិត្តឃ្លាតចាកពីជំនឿទៀតហើយ។១២ អ្នកដែលនាំឲ្យបងប្អូនជ្រួលច្របល់បែបនេះ ត្រូវតែក្រៀវខ្លួនឯងតែម្ដងទៅ។
ជីវិតខាងព្រះវិញ្ញាណ
១៣ ព្រះជាម្ចាស់បានត្រាស់ហៅបងប្អូន ឲ្យមានសេរីភាព ក៏ប៉ុន្តែសូមកុំយកសេរីភាពនេះមកធ្វើជាលេស ដើម្បីរស់តាមរបៀបលោកីយ៍សោះឡើយផ្ទុយទៅវិញ ត្រូវបម្រើគ្នាទៅវិញទៅមកដោយចិត្តស្រឡាញ់ ១៤ ដ្បិតធម្មវិន័យទាំងមូលសរុបមកត្រឹមតែឃ្លាមួយនេះថា «អ្នកត្រូវស្រឡាញ់បងប្អូនឯទៀតៗឲ្យបានដូចស្រឡាញ់ខ្លួនឯងដែរ»ហ។ ១៥ បើបងប្អូនប្រខាំគ្នា និងហែកហួរគ្នាទៅវិញទៅមកដូច្នេះ ចូរប្រយ័ត្នក្រែងលោបងប្អូនត្រូវវិនាសអន្តរាយ ដោយសារតែគ្នាឯង។
១៦ ខ្ញុំសូមជម្រាបថា ចូររស់នៅឲ្យស្របតាមព្រះវិញ្ញាណ នោះបងប្អូននឹងមិនបំពេញតាមបចំណង តណ្ហារបស់លោកីយ៍ទៀតឡើយ ១៧ ដ្បិតចំណងតណ្ហាលោកីយ៍ តែងតែទាស់នឹងព្រះវិញ្ញាណ ហើយព្រះវិញ្ញាណក៏ទាស់នឹងលោកីយ៍ដែរ។ លោកីយ៍និងព្រះវិញ្ញាណផ្ទុយគ្នាទាំងស្រុង ដូច្នេះ បងប្អូនពុំអាចធ្វើអ្វីដែលបងប្អូនចង់ធ្វើនោះបានឡើយ។ ១៨ ប្រសិនបើព្រះវិញ្ញាណណែនាំបងប្អូន បងប្អូនលែងនៅក្រោមអំណាចរបស់ធម្មវិន័យទៀតហើយ។
១៩ យើងស្គាល់ច្បាស់នូវអំពើផ្សេងៗ ដែលកើតចេញមកពីលោកីយ៍ គឺមានអំពើប្រាសចាកសីលធម៌ អំពើសៅហ្មងកាមគុណថោកទាប ២០ ការថ្វាយបង្គំព្រះក្លែងក្លាយ វិជ្ជាធ្មប់ ឈ្លោះប្រកែកគ្នា បាក់បែកគ្នា ច្រណែនគ្នា កំហឹងឃោរឃៅ ប្រកួតប្រជែងគ្នាប្រឆាំងគ្នា ប្រកាន់បក្សពួក២១ ឈ្នានីសគ្នា ប្រមឹកស៊ីផឹកជ្រុល និងអំពើផ្សេងៗទៀតដែលស្រដៀងនឹងអំពើទាំងនេះដែរ។ ខ្ញុំសូមជម្រាបឲ្យបងប្អូនដឹងជាមុនដូចខ្ញុំបាននិយាយរួចមកហើយថា អស់អ្នកដែលប្រព្រឹត្តអំពើទាំងអស់នេះ ពុំអាចទទួលព្រះរាជ្យ*របស់ព្រះជាម្ចាស់ទុកជាមត៌កបានឡើយ។
២២ រីឯផលដែលកើតមកពីព្រះវិញ្ញាណវិញ គឺសេចក្ដីស្រឡាញ់ អំណរ សេចក្ដីសុខសាន្ត ចិត្តអត់ធ្មត់ ចិត្តសប្បុរស ចិត្តសន្ដោសមេត្តា ជំនឿ ២៣ ចិត្តស្លូតបូត ចេះទប់ចិត្តខ្លួនឯង។ គ្មានធម្មវិន័យណាជំទាស់នឹងសេចក្ដីទាំងនេះទេ។
២៤អស់អ្នកដែលរួមជាមួយព្រះគ្រីស្តយេស៊ូ សុទ្ធតែបានឆ្កាងតណ្ហា និងបំណងរបស់លោកីយ៍នោះចោលហើយ។ ២៥ ប្រសិនបើយើងមានជីវិតដោយសារព្រះវិញ្ញាណមែន យើងក៏ត្រូវប្រតិបត្តិតាមព្រះវិញ្ញាណដែរ។
២៦ យើងមិនត្រូវអួតបំប៉ោង រករឿងគ្នាទៅវិញទៅមក និង ឈ្នានីសគ្នានោះឡើយ។
ជំពូក ៦
ការជួយធុរៈគ្នាទៅវិញទៅមក
១ បងប្អូន! ប្រសិនបើមាននរណាម្នាក់ត្រូវគេទាន់នៅពេលកំពុងតែធ្វើអំពើអាក្រក់ណាមួយ បងប្អូនដែលមានព្រះវិញ្ញាណនៅក្នុងខ្លួនត្រូវកែតម្រង់អ្នកនោះដោយចិត្តស្លូតបូត។ ក៏ប៉ុន្តែតោងប្រយ័ត្នខ្លួនក្រែងលោអ្នកត្រូវធ្លាក់ក្នុងការល្បួងដូចគេដែរ។ ២ ត្រូវជួយរំលែកទុក្ខធុរៈគ្នាទៅវិញទៅមក ធ្វើយ៉ាងនេះទើបបងប្អូនបំពេញតាមធម្មវិន័យរបស់ព្រះគ្រីស្ត* ទាំងស្រុង។ ៣ ប្រសិនបើនរណាម្នាក់ស្មានថា ខ្លួនជាមនុស្សសំខាន់ តែតាមពិតខ្លួនជាអ្នកឥតបានការ អ្នកនោះបញ្ឆោតខ្លួនឯងហើយ។ ៤ ម្នាក់ៗត្រូវពិនិត្យពិច័យមើលអំពើដែលខ្លួនប្រព្រឹត្ត ប្រសិនបើរកឃើញហេតុដែលធ្វើឲ្យខ្លួនឯងខ្ពស់មុខនោះ គឺរកឃើញតែនៅក្នុងខ្លួនឯងផ្ទាល់ មិនមែនដោយប្រៀបផ្ទឹមទៅនឹងអ្នកដទៃទេ ៥ ដ្បិតម្នាក់ៗទទួលខុសត្រូវលើអំពើដែលខ្លួនប្រព្រឹត្ត។
៦ចំពោះអ្នកដែលទទួលការអប់រំ ខាងព្រះបន្ទូលត្រូវយកអ្វីៗទាំងប៉ុន្មាន ដែលខ្លួនមានមួយចំណែក មកចែកដល់អ្នកដែលអប់រំខ្លួននោះផង។
៧ សូមបងប្អូនកុំយល់ច្រឡំ គ្មាននរណាមើលងាយព្រះជាម្ចាស់បានទេ។ បើមនុស្សម្នាក់សាបព្រោះគ្រាប់ពូជណាគេនឹងច្រូតបានផលតាមពូជនោះឯង។ ៨អ្នកណាសាបព្រោះខាងលោកីយ៍ អ្នកនោះក៏នឹងច្រូតយកផលមកពីលោកីយ៍ គឺផលដែលត្រូវរលួយដែរ។ រីឯអ្នកដែលសាបព្រោះខាងព្រះវិញ្ញាណវិញ នឹងច្រូតយកផលមកពីព្រះវិញ្ញាណ គឺជាជីវិតអស់កល្បជានិច្ច។ ៩ យើងមិនត្រូវនឿយណាយនឹងប្រព្រឹត្តអំពើល្អឡើយ ដ្បិតប្រសិនបើយើងមិនបាក់ទឹកចិត្តទេនោះ ដល់ពេលកំណត់យើងនឹងច្រូតបានផលជាមិនខាន។ ១០ហេតុនេះ ពេលយើងមានឱកាសនៅឡើយ យើងត្រូវប្រព្រឹត្តអំពើល្អចំពោះមនុស្សទាំងអស់ ជាពិសេសចំពោះបងប្អូនរួមជំនឿ។
ពាក្យដាស់តឿនចុងបញ្ចប់
១១ តួអក្សរធំៗដែលបងប្អូនឃើញនេះ គឺខ្ញុំបានសរសេរមកបងប្អូនដោយដៃខ្ញុំផ្ទាល់។
១២ អស់អ្នកដែលចង់បានកិត្តិយស ខាងលោកីយ៍បានបង្ខំបងប្អូនឲ្យកាត់ស្បែក* ក្នុងគោលបំណងកុំឲ្យមានគេបៀតបៀនព្រោះតែឈើឆ្កាងរបស់ព្រះគ្រីស្តប៉ុណ្ណោះ។ ១៣ ចំពោះអ្នកដែលកាត់ស្បែកទាំងនោះ ខ្លួនគេផ្ទាល់ពុំកាន់តាមវិន័យទេគឺគេចង់ឲ្យបងប្អូនកាត់ស្បែក ដើម្បីឲ្យគេអាចអួតខ្លួនថា គេបានកាត់ស្បែកឲ្យបងប្អូន។ ១៤ រីឯខ្ញុំវិញ ខ្ញុំមិនអួតខ្លួនអំពីអ្វីក្រៅពីឈើឆ្កាងរបស់ព្រះយេស៊ូគ្រីស្តជាព្រះអម្ចាស់នៃយើងឡើយ។ ដោយសារឈើឆ្កាងនេះ អ្វីៗក្នុងពិភពលោកដូចជាជាប់ឈើឆ្កាងដែរ លែងមានទាក់ទាមនឹងខ្ញុំទៀតហើយ ហើយខ្ញុំក៏ជាប់ឈើឆ្កាងលែងមានទាក់ទាមអ្វីនឹងពិភពលោកទៀតដែរឡ។ ១៥ ពិធីកាត់ស្បែកឬមិនកាត់ស្បែក មិនសំខាន់អ្វីទេ មានតែកើតជាថ្មីវិញឯណោះទើបសំខាន់។ ១៦សូមព្រះជាម្ចាស់ប្រទានសេចក្ដីសុខសាន្ត និងមេត្តាករុណាដល់អស់អ្នក ដែលអនុវត្តតាមគោលគំនិតនេះ និងដល់ប្រជារាស្ត្រអ៊ីស្រាអែលរបស់ព្រះអង្គ។
១៧ អំណើះតទៅ សូមកុំឲ្យនរណាម្នាក់ធ្វើឲ្យខ្ញុំពិបាកចិត្តទៀតឡើយ ដ្បិតខ្ញុំមានស្លាកស្នាមអរបស់ព្រះយេស៊ូ នៅក្នុងរូបកាយខ្ញុំស្រាប់ហើយ។
១៨បងប្អូន! សូមព្រះយេស៊ូគ្រីស្ត*ជាព្រះអម្ចាស់នៃយើងប្រោសប្រណីដល់វិញ្ញាណរបស់បងប្អូន។ អាម៉ែន។
ក.ពាក្យដើម «ពីសាច់ពីឈាម»ចង់សំដៅទៅលើីនិស្ស័យរបស់មនុស្សលោកឬមនុស្សលោកផ្ទាល់។ • ខ. យើងអាចបកស្រាយពាក្យ«ទាសករ»ត្រង់នេះថាជាទាសករឬខ្ញុំបម្រើរបស់ធម្មវិន័យគឺមានន័យថាត្រូវតែប្រព្រឹត្តតាមវិន័យរបស់លោកម៉ូសេគ្រប់ប្រការទាំងអស់។
គ. ព្រះជាម្ចាស់ប្រោសប្រណីលោកប៉ូលត្រង់នេះយើងអាចបកស្រាយថាព្រះអង្គប្រគល់មុខងារឲ្យលោកធ្វើជាគ្រីស្តទូតសម្រាប់សាសន៍ដទៃ។•ឃ. ជនក្រីក្រត្រង់នេះចង់សំដៅទៅលើគ្រីស្តបរិស័ទក្រីក្រនៅក្រុងយេរូសាឡឹម។ • ង.ពាក្យដើម«សាសន៍កាត់ស្បែក»។តាមវិន័យរបស់សាសន៍យូដាអ្នកកាត់ស្បែកមិនអាចបរិភោគជាមួយអ្នកដែលមិនកាត់ស្បែកបានទេព្រោះគេចាត់ទុកថាជាមនុស្សមិនបរិសុទ្ធ។គ្រីស្តបរិស័ទជាជាតិយូដានៅសម័យនោះនៅតែជំពាក់ចិត្តនឹងវិន័យរបស់លោកម៉ូសេនេះដដែល។•ច. ជំនឿរបស់ព្រះគ្រីស្ត គឺជំនឿដែលមកពីព្រះគ្រីស្តមានន័យថាយើងរួមជាមួយព្រះគ្រីស្តក្នុងជំនឿរបស់ព្រះអង្គចំពោះព្រះបិតា។
ឆ.ឃ្លានេះមានន័យថា:ដោយសារជំនឿលើព្រះគ្រីស្តខ្ញុំមិនពឹងផ្អែកលើវិន័យទៀតទេប៉ុន្តែបើខ្ញុំវិលទៅពឹងផ្អែកលើីការប្រព្រឹត្តតាមវិន័យម្ដងទៀតនោះបានសេចក្ដីថាខ្ញុំបានយល់ថាខ្ញុំប្រព្រឹត្តបំពានលើវិន័យនោះហើយ។•ជ.ឃ្លាដើមសរសេរថា«ដោយសារវិន័យខ្ញុំបានស្លាប់ខាងវិន័យ»។ពាក្យ«ដោយសារវិន័យù»មានន័យថាព្រះគ្រីស្តបានសោយទិវង្គតស្របតាមវិន័យហើយធ្វើឲ្យមនុស្សរួចផុតពីទោសដែលកើតមកពីការបំពានលើវិន័យ។ • ឈ. យើងអាចបកប្រែឃ្លានេះតាមរបៀបផ្សេងទៀតថា«បើឥតបានការគ្រាន់បើជាង!»។ • ញ.កំណើតពិភពលោក (លោកុប្បត្តិ)១៥.៦។ • ដ. កំណើតពិភពលោក ១២.៣។
ឋ.ទុតិយកថា២៧.២៦។•ឌ.ហាបាគូក២.៤។ • ឍ.លេវីវិន័យ១៨.៥។•ណ.ទុតិយកថា២១.២៣។•ត.«ពូជពង្ស»នេះ ចង់សំដៅទៅលើព្រះយេស៊ូ។ • ថ. ព្រះជាម្ចាស់ប្រទានគម្ពីរវិន័យមកតាមរយៈលោកម៉ូសេ។
ទ. ឃ្លាដើម«បងប្អូនក៏បានបំពាក់ព្រះគ្រីស្តពីលើបងប្អូនដែរ»។ • ធ.មានន័យថាកាលយើងមិនទាន់ជឿព្រះយេស៊ូនៅឡើយ។• ន. «អ្វីៗដែលមានឥទ្ធិពលក្នុងលោកីយ៍នេះ»ចង់សំដៅទៅលើយមយក្សអារុក្ខអារក្សអ្នកតាព្រៃភ្នំនិងខ្មោចព្រាយបិសាចជាដើម។ • ប.ពាក្យដើមកូនចិញ្ចឹម។ • ផ. សូមអានសេចក្ដីពន្យល់នៅ រ៉ូម ៨.១៥។
ព. កូនប្រុសទាំងពីររបស់លោកអប្រាហំាគឺអ៉ីស្មាអែល(ម្តាយរបស់អ៉ីស្មាអែលគឺនាងហាការជាស្ត្រីបម្រើ)និងអ៉ីសាក(ម្តាយរបស់អ៉ីសាក គឺនាងសារ៉ាជាភរិយាពេញច្បាប់)កំណើតពិភពលោក(លោកុប្បត្តិ)១៦.១៥;២១-២។•ភ. ព្រះជាម្ចាស់ចងសម្ពន្ធមេត្រីជាមួយសាសន៍អ៉ីស្រាអែលនៅលើភ្នំស៊ីណៃ។ • ម.ក្រុងយេរូសាឡឹមសព្វថ្ងៃចង់សំដៅទៅលើសាសន៍យូដាដែលមិនព្រមជឿថាព្រះយេស៊ូជាព្រះគ្រីស្តហើយគេនៅជាប់ជាខ្ញុំបម្រើរបស់វិន័យនៅឡើយ។
យ. «ក្រុងយេរូសាឡឹមនៅស្ថានលើ»គឺស្ថានបរមសុខ។•រ. អេសាយ ៥៤.១។•ល.កំណើតពិភពលោក ២១.១០។•វ.ឃ្លាដើម«បងប្អូនបានរត់ទៅមុខល្អណាស់»។ • ស.ពាក្យស្លោកដែលដាស់តឿនឲ្យប្រុងប្រយ័ត្ន (សូមអាន ១ កូរិនថូស ៥.៦)។
ហ. លេវីវិន័យ ១៩.១៨។
ឡ.ឃ្លាដើម:«ដោយសារឈើឆ្កាងនេះលោកីយ៍ក៏ដូចជាបានជាប់ឆ្កាងសម្រាប់ខ្ញុំហើយខ្ញុំក៏បានជាប់ឆ្កាងសម្រាប់លោកីយ៍ដែរ»។•អ. នៅសម័យដើមពួកខ្ញុំបម្រើតែងតែមានស្លាកស្នាមពីលើខ្លួនដើម្បីបញ្ជាក់ថាគេជាកម្មសិទ្ធិរបស់ម្ចាស់ណាមួយ។លោកប៉ូលត្រូវគេវាយធ្វើបាបហើយមានស្លាកស្នាមលើខ្លួនមកពីលោកបម្រើព្រះគ្រីស្ត។
ឈ. អេសាយ ២២.១៣។ • ញ. កំណើតពិភពលោក ២.៧។ • ដ. លោកប៉ូលប្រើនាមនេះសំដៅទៅលើព្រះយេស៊ូគ្រីស្ត។