ស្វែងរក
The replica watches uk country for this brand for everyone, I believe replica watches most people are more understanding of its home pilots watch, who let people rely on the rolex replicaflight table from the home? Whether it is the original Mark series, or the replica rolex Navy Air Force forces MIRAMAR or Antoine De Saint Exupéry special models have a lot of fans.
ពិធីចែកវិញ្ញាបនបត្របញ្ជាក់ការសិក្សា ដល់សិក្ខាកាមជំនាន់ទី១ និងជំនាន់ទី២

. - ២១ មីនា ២០១៧
 

សិក្ខាកាមជាស្រ្តីចំនួន៥៥នាក់ ទទួលវិញ្ញាបនបត្របញ្ជាក់ការសិក្សា ក្រោយពីបាន សិក្សា នៅមជ្ឈមណ្ឌលបណ្តុះបណ្តាលជំនាញវិជ្ជាជីវៈស្រ្តី របស់អង្គការការីតាសបាត់ដំបង អស់រយៈ ពេលពី៦ ខែ ដល់១ឆ្នាំ ។

ពិធីប្រគល់វិញ្ញាបនបត្រនេះ បានប្រព្រឹត្តទៅនាព្រឹកថ្ងៃទី២១ ខែមីនានេះ ក្រោមអធិបតីលោក អេនរីគេ ហ្វីការេដូ អភិបាលព្រះសហគមន៍កាតូលិកភូមិភាគបាត់ដំបង និងជាប្រធានក្រុមប្រឹក្សា ភិបាល នៃអង្គការការីតាសកម្ពុជា ឯកឧត្តមនឹម ថូ រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនិតិ សម្បទា ប្រធានអង្គការការីតាសកម្ពុជា ព្រមទាំងអាណាព្យាបាល រួមនិងសិស្សានុសិស្ស ជាច្រើនរូប ។

លោកអភិបាលអេនរីគេ ហ្វីការេដូ បានមានប្រសាសន៍ថា៖ នៅថ្ងៃនេះ ជាថ្ងៃពិសេស គឺយើង ពិតជាមានអំណរសប្បាយ និងរីករាយចំពោះលទ្ធផល ដែលយើងមាននាឱកាសនេះ ។ ទាំងថ្នាក់ ដឹកនាំ បុគ្គលិក លោកគ្រុអ្នកគ្រូ អាណាព្យាបាល ព្រមទាំងសិក្ខាកាមទាំងអស់ ដែលបានសិក្សានៅ ក្នុង មជ្ឈមណ្ឌលបណ្តុះបណ្តាលជំនាញវិជ្ជាជីវៈសម្រាប់ស្ត្រី របស់អង្គការការីតាស គឺគ្រប់គ្នាបាន សហការគ្នា បានយ៉ាងល្អ ដែលនាំឲ្យយើងសម្រេចបាននូវផលផ្លែល្អ ហើយនាំឲ្យយើងទៅខាងមុខ ។ ប្រសិនបើយើងមិនចេះសហការគ្នា យើងមិនចេះធ្វើការជាមួយគ្នា នោះយើងមិនអាចទៅខាងមុខ បាននោះទេ ។

លោកអភិបាលបន្តថា អ្វីដែលបងប្អូនទទួលបានពីទីនេះ គឺទទួលបានចំណេះដឹងខាងមុខរបរ ចំណេះ អំពីជីវិត និងបទពិសោធន៍ដែលមានតម្លៃនាំឲ្យយើងដើរទៅខាងមុខ ។ ការងារអង្គការការីតាស ជួយ ឲ្យ អ្នកដែលមានបញ្ហានៅក្នុងជីវិត ដែលក្រ មិនមានមធ្យោបាយ មិនមានចំណេះ មិនមានមុខរបរ ជួយ ឲ្យពួកគេបានទទួលតម្លៃនៃជីវិត ដើម្បីងើបឡើងដើរឆ្ពោះទៅខាងមុខ ដោយជំនះនូវគ្រប់ឧបសគ្គក្នុងជីវិត ដែលខ្លួនមាន ។

លោកអភិបាលបានផ្តាំផ្ញើដល់មាតាបិតា និងអាណាព្យាបាលទាំងអស់ សូមជួយបន្តគាំទ្រ កូនៗរបស់ ខ្លួន ដើម្បីអាចក្រោកឈរ និងដើរទៅមុខទៀត ក្នុងការទទួលបានការងារល្អ សម្រាប់ជួយឲ្យជីវភាព ក្រុមគ្រួសារកាន់តែប្រសើរ។

ឯកឧត្តមនឹម ថូ រដ្ឋលេខាធិការក្រសួងសង្គមកិច្ច អតីតយុវជន និងយុវនិតិសម្បទា បានមាន ប្រសាសន៍លើកទឹកចិត្ត ដល់សិក្ខាកាមទាំងអស់ ឲ្យខិតខំប្រឹងប្រែងរៀនសូត្រ ក្របយកចំណេះវិជ្ជា ទាំងនេះ ដើម្បីអនាគតរបស់ខ្លួននិងក្រុមគ្រួសារ ។ លោកសម្តែង នូវការអបអរសាទរចំពោះសិក្ខាកាម ដែលបានបញ្ចប់ការសិក្សានាពេលនេះ ហើយក៏ សូមអបអរសាទរ នូវស្នាដៃ ដែលកើតមកពីការខិតខំ ប្រឹងប្រែងសិក្សាកន្លងមកនេះ។ ពេលមុនយើងមិនបានរៀន យើងមិនចេះ ប៉ុន្តែចាប់ពីពេលនេះតទៅ យើងបានរៀន បានយើងចេះ យើងមានបទពិសោធន៍ យើងមានចំណេះជំនាញ យើងអាចរកការងារ ធ្វើ ដែលអាចធ្វើឲ្យជីវិតរបស់យើង មានអនាគតល្អជាងមុន ។ កាលពីយើងមិនបានរៀន យើងនៅ ងងឹត ដល់ពេលឥឡូវយើងបានភ្លឺជាងមុន ។

ជាមួយគ្នានេះ ឯកឧត្តម ក៏សូមថ្លែងអំណរគុណដល់អង្គការការីតាសកម្ពុជា ដែលបានជួយដល់ប្រជាពលរដ្ឋខ្មែរ នៅក្នុងការកសាងជីវភាពថ្មី ពីការរៀនយកជំនាញពីមជ្ឈមណ្ឌលនេះ ។ សូមឲ្យក្មួយស្រីទាំងអស់ ដែលមានរៀនចប់ពីទីនេះ សូមយកចំណេះជំនាញរបស់ខ្លួន ទៅប្រកបរបរចិញ្ចឹមជីវិត ដើម្បីអនាគតសម្រាប់ខ្លួន និងកូនចៅរបស់ខ្លួន ។

អ្នកស្រីគុណ គឹមស្រ៊ាង ប្រធានគ្រប់គ្រងមជ្ឈមណ្ឌលបណ្តុះបណ្តាលជំនាញវិជ្ជាជីវៈសម្រាប់ ស្រ្តី របស់អង្គការការីតាស បានលើកឡើងថា មជ្ឈមណ្ឌលបណ្តុះបណ្តាលជំនាញវិជ្ជាជីវៈនេះ ត្រូវបានសាងសង់ឡើង ក្នុងគោលបំណងដើម្បី ជួយស្រ្តីក្រីក្រ មានវិបត្ត គឺផ្តល់ពួកគាត់ឲ្យមានជំនាញវិជ្ជាជីវៈ សម្រាប់ប្រកបរបរចិញ្ចឹមជីវិត ដោយផ្តល់ទាំង ចំណេះ ជំនាញ ព្រមទាំងអប់រំអំពីសុខភាពផ្លូវចិត្ត និងបំណិនជីវិតនោះផង។

អ្នកស្រីប្រធានគ្រប់គ្រងមជ្ឈមណ្ឌលបានបន្តថា មណ្ឌលនេះធ្វើការជាមួយស្ត្រី ដែលរងគ្រោះពី អំពើហឹង្សាក្នុងគ្រួសារ ស្ត្រីជួបវិបត្តិ ស្ត្រីរងគ្រោះនានា និងស្ត្រីដែលជាម្តាយវ័យក្មេង ដែលមិនមានឱកាសដើម្បីសិក្សាជំនាញផ្សេងៗ ខណៈពួកគេ មានកូននៅពេលវ័យក្មេងនោះ ។

អ្នកស្រី ថង ចន្ធី ជាតំណាងអាណាព្យាបាល ចាប់អារម្មណ៍ និងថ្លែងអំណរគុណដល់អង្គការការីតាស ដែលបានបង្កើតកម្មវិធី និងសាលាដើម្បីបណ្តុះបណ្តាលវិជ្ជាជីវៈ ដល់យុវនារី និង ស្ត្រីជាម្តាយ វ័យ ក្មេង។ អ្នកស្រីបានថ្លែងថា សូមអរគុណដល់អង្គការការីតាស ដែលបានបង្កើតមណ្ឌលបណ្តុះ បណ្តាល វិជ្ជាជីវៈ ទទួលយុវនារី និងស្ត្រីជាម្តាយវ័យក្មេង ដែលក្រីក្រ ជួបការលំបាក និងគ្មានទីពឹង ឲ្យបានទទួលការអប់រំ ក្រេបយកចំណេះដឹងលើមុខជំនាញផ្សេងៗ សម្រាប់ប្រកបរបរចិញ្ចឹម ជីវិតទៅថ្ងៃអនាគត ។

អ្នកស្រីបន្តថា ក្រៅពីការផ្តល់នូវជំនាញវិជ្ជាជីវៈសម្រាប់ស្រ្តី អង្គការការីតាស បានជួយលើផ្នែក បំណិនជីវិត និងការលើកកម្ពស់តម្លៃរបស់ស្រ្តី គឺជួយឲ្យស្រ្តីចាកផុតពីភាពក្រីក្រ ភាពល្ងង់ខ្លៅ និងជា ពិសេសក៏បានបង្រៀនអំពីការទប់ស្កាត់ វៀសចាកពីការសេពគ្រឿងញៀន ដែលសង្គមកំពុងស្អប់ខ្ពើម និងព្យាយាមលប់បំបាត់នោះ ។

ជាចុងក្រោយក្នុងនាមជាអាណាព្យាបាល អ្នកស្រីបានលើកជាសំណូមពរ និងមានមតិផ្តាំផ្ញើ ដល់អង្គការការីតាសកម្ពុជា មេត្តាបន្តជួយទៅដល់ស្រ្តីខ្មែរជាច្រើនទៀត ដែលកំពុងទទួល រងគ្រោះ ត្រូវការនូវការជួយឧបត្ថម្ភគាំទ្រពីអង្គការដៃគូនានា ។ សូមឲ្យមាតាបិតា និងស្រ្តីទាំងអស់ ដែលរង គ្រោះ និងមានឱកាសបានរៀនសូត្រនៅទីនេះ មេត្តាខិតខំប្រឹងប្រែង និងយកចិត្តទុកដាក់នៅក្នុងការ សិក្សា ដើម្បីរៀបចំអនាគតរបស់ខ្លួនឲ្យបានល្អប្រសើរ ។

ជាសិស្សជំនាន់ទី១ រៀនលើមុខវិជ្ជាសំអាងកាយ និងកែសម្ផស្ស ដែលត្រូវទទួលវិញ្ញាបនបត្រ បញ្ជាក់ការសិក្សា កញ្ញា សារឿន លីណា បានឡើងចាប់អារម្មណ៍ថា ក្នុងឱកាសនេះ កញ្ញាសូមថ្លែង អំណរគុណ យ៉ាងជ្រាលជ្រៅចំពោះអង្គការការីតាស ដែលបានជួយឧបត្ថម្ភគាំទ្រ និងផ្តល់ឱកាសដល់ កញ្ញា ក៏ដូចជាស្រ្តីផ្សេងៗទៀត ឲ្យទទួលបាននូវមុខជំនាញ ក៏ដូចជាមេរៀនបំណិនជីវិតជាដើម ។ កញ្ញាបន្តថា នៅមុនពេលបានចូលរៀននៅទីនេះ កញ្ញាគ្មានជំនាញអ្វីមួយច្បាស់លាស់ សម្រាប់ប្រកប របរចិញ្ជឹមជីវិតនោះឡើយ ប៉ុន្តែក្រោយពីបានរៀននៅទីនេះ និងបន្ទាប់ពីបញ្ចប់ការ សិក្សា នៅទីនេះ កញ្ញាអាចស្វែងរកការងារធ្វើបាន ។ កញ្ញា ក៏សង្ឃឹមថា កញ្ញាអាចមានការងារធ្វើ សមរម្យដូចគេឯង និងអាចមានជីវភាពល្អប្រសើរឡើងជាងមុនផងដែរ ដើម្បីជួយខ្លួនឯង និងជួយ ក្រុមគ្រួសារផង ។

គួរបញ្ជាក់ថា សិក្ខាកាមដែលបានបញ្ចប់ការសិក្សាលើមុខជំនាញទាំងនោះមានដូចជា ជំនាញកាត់ដេរ សំអាងកាយ និងកែសម្ផស្ស សិប្បកម្មកែច្នៃ ផ្នែកធ្វើម្ហូប និងភោជនីយដ្ឋាន និងផ្នែកតម្បាញ ដែលបានទទួលនូវការឧបត្ថម្ភគាំទ្រពីអង្គការការីតាសទាំងស្រុង ក្នុងអំឡុងពេល សិក្សា និងស្នាក់នៅ រហូតដល់បញ្ចប់វគ្គនីមួយៗ ។

នៅក្រោយពិធីចែកវិញ្ញាបនបត្របញ្ជាក់ការសិក្សាដល់សិក្ខាកាមទាំង ៥៥នាក់ហើយនោះ ក៏មានការថតរូបទុកជាអនុស្សាវរីយ៍ ព្រមទាំងអញ្ជើញពិសារអាហារសាមគ្គីរួមគ្នា ក្នុងបរិយាកាស សប្បាយរីករាយយ៉ាងក្រៃលែង ។

សូមរំលឹកថា អង្គការការីតាសកម្ពុជា គឺជាអង្គការមិនមែនរដ្ឋាភិបាល និងជាអង្គការរបស់ ព្រះសហគមន៍កាតូលិកកម្ពុជា ដែលរួមចំណែកលើសកម្មភាពមនុស្សធម៌ និងការអភិវឌ្ឍន៍សង្គម ។ អង្គការការីតាសកម្ពុជា ជាសមាជិកនៃអង្គការការីតាសអន្តរជាតិ ដែលមានការិយាល័យ នៅទីក្រុងរ៉ូម ប្រទេសអ៊ីតាលី ដែលមានបណ្តាញសមាជិកអង្គការការីតាស ចំនួន១៦៧ប្រទេស នៅលើសកលលោក ៕ 

 
ដោយ៖ ឡុង សម្ផស្ស

 

 

ព័ត៌មានច្រើនទៀត
១៦ មេសា ២០១៧

គ្រីស្តបរិស័ទមកពីកន្លែងផ្សេងៗ នៃព្រះសហគមន៍កាតូលិកតំបន់​ខេត្តតាកែវ ​បានជួបជុំគ្នានៅព្រះវិហារ សន្តីម៉ារីញញឹម នៃព្រះសហគមន៍កាតូលិកភូមិចំការទៀង ស្រុកត្រាំកក់ខេត្តតាកែវ នាល្ងាចថ្ងៃទី១៦ ខែមេសា ឆ្នាំ២០១៧ ដើម្បីប្រារព្ធពិធី បុណ្យព្រះយេស៊ូមានព្រះជន្មរស់ឡើងវិញ។ 

ពេលចាប់ផ្តើមពិធី គ្រីស្តបរិស័ទទាំងអស់រួមជាមួយលោកអភិបាល និងបូជាចារ្យ បានជួយជុំគ្នាជំុវិញ ភ្នក់ភ្លើងដើម្បីប្រារព្ធពិធីព្រះពរភ្លើង មានពន្លឺទានជ័យ ដែលជាពន្លឺ បញ្ជាក់​នៃការរស់ឡើងវិញ​របស់ព្រះយេស៊ូ។ បន្ទាប់មកមានពិធីដង្ហែរទានទៅកាន់ទីសក្ការៈ ។ 

នៅទីសក្ការៈគ្រីស្តបរិស័ទទាំងអស់បន្តប្រារព្ធពិធីលើកតម្កើងព្រះបន្ទូល ដែលរៀបរាប់ពីការស់ឡើងវិញរបស់ព្រះគ្រីស្តជាអម្ចាស់។ ក្នុងរៀបរាប់ក៏មានការតាមរយៈពាក្យកាព្យ ក្នុងទម្រងចម្រៀងអាយ៉ៃខ្មែរ ផង​ដែលមានភ្លេងអាយៃ៉កំដរ ក្រោយមកក៏មានអានអត្ថបទ ស្តីអំពីកំណើត​ ពិភពលោក។

 

តាមជំនឿរបស់ព្រះសហគមន៍កាតូលិក បុណ្យព្រះយេស៊ូ​មាន​ព្រះជន្មរស់ឡើងវិញ គឺជាបុណ្យធំជាងគេបង្អស់។ ដោយសារព្រះជាម្ចាស់ប្រោសឲ្យព្រះយេស៊ូមានព្រះជន្មរស់ឡើងវិញទើបមានអ្នកជឿរហូតមកដល់សព្វថ្ងៃ។ បើព្រះេយស៊ូសោយទិវង្គត មិនរស់ឡើងវិញទេក៏គ្មានអ្នកជឿដូច្នេះដែរ។    

  

ក្នុងធម្មទេសនា ទៅកាន់គ្រីស្តបរិស័ទដែលចូលរួម លោកអភិបាលអូលីវីយេ ដែលជាអធិបតីក្នុងពិធីមានប្រសាសន៍ថា “ ព្រះយេស៊ូមានព្រះជន្មរស់ឡើងវិញហើយ! អាលេលូយ៉ា!អាលេលូយ៉ា!អាលេលូយ៉ា!”។ លោកលើកឡើងថា៖ ព្រះអង្គមានព្រះជន្មគង់នៅ តើគង់នៅឯណា?

គឺនៅក្នុងចិត្តបងប្អូននៅទីនេះ ​បងប្អូនដែលទទួលជីវិតថ្មីថ្ងៃនេះ ។​ ដូចព្រះបន្ទួលថ្ងៃនេះ ទេវទូត ​ប្រាប់ក្រុមស្ត្រីថា កុំទៅរកព្រះអង្គនៅក្នុងផ្នូរ ។​ ព្រះអង្គឲ្យគេទៅជួបព្រះអង្គនៅ​ស្រុកកាលីឡេ។

លោកថា៖  សព្វថ្ងៃធ្វើដូចម្តេចដើម្បីជួបព្រះអង្គនៅកាលីឡេ?

“ខ្ញុំជឿថា កាលីឡេនៅទីនេះ នៅក្នុងបងប្អូន ក្នុងបងប្អូនថ្មីដែលទទួលព្រះជន្មផ្ទាល់របស់ព្រះអង្គ គឺទទួលឲ្យល់ដង្ហើមផ្ទាល់របស់ព្រះអង្គ ។ ទទួលពន្លឺថ្មី ដែលមិនចេះរលត់”។

លោកអភិបាលបានរំឭកដល់គ្រីស្តបរិស័ទថា៖ “

សូមឲ្យយើងដែលទទួលជីវិត​ពីព្រះជាម្ចាស់ ទៅជាអ្នកដែលនាំជីវិតថ្មី ដល់គេ។ យើងដែលទទួលពន្លឺ ត្រូវធ្វើជាពន្លឺដើម្បីអ្នកដទៃ  ។ យើងដែលទទួលសេចក្តីស្រឡាញ់ពីព្រះជាម្ចាស់ ត្រូវមានចិត្តស្រឡាញ់ដូចព្រះជាម្ចាស់។”   

លោកបន្តថា ៖ សូមកុំឲ្យយើងនៅជាប់ជាមួយអ្នកដែលឆ្កាងព្រះយេស៊ូ។ សូមបើកភ្នែកមើល ពិភពលោក នេះ មានសង្គ្រាមសម្លាប់មនុស្ស យ៉ាងសន្ធឹក នៅសុីរី នៅអាហ្គានីស្ថាន អេហ្សុីប …។ សូមឲ្យយើងបើកភ្នែក មើលប្រទេសយើង…

មិនខ្វះទេអ្នកជិះជាន់អ្នកក្រីក្រ អំពើអយុត្តិធម៌​​ មិនខ្វះទេមនុស្ស ដែលបិទសិទ្ធិេសរីភាពអ្នកដទៃ  មនុស្សពុករលួយ មានបញ្ហាជាច្រើនទៀតដែលមនុស្សបន្តរឆ្កាងព្រះយេស៊ូតទៅទៀត។

លោកអភិបាលក៏បានលើកដែរថា៖ជូនការក្នុងព្រះសហគមន៍យើងក៏ដូចគ្នាដែរ មានអ្នកនាំពាក្យមិនពិត និយាយបង្ខូចឈ្នោះ និយាយដើមគេ ជិះជាន់គេ មើលងាយគេ ច្រណែនគ្នា ឬឈប់និយាយរកគ្នា …។ “បងប្អូនជាទីស្រឡាញ់កុំឲ្យយើងជាប់ជាមួយមនុស្សដែលឆ្កាងព្រះយេស៊ូ”។ ប៉ុន្តែយើងជាប្រជារស្ត្ររបស់ព្រះជាម្ចាស់ដ៏មានជីវិត ត្រូវចាំថា​កាលីឡេ នៅទីនេះ ដើម្បីចេញទៅប្រកាស​អំពីព្រះជាម្ចាស់មានព្រះជន្មរស់ឡើងវិញ​ អាលេលូយ៉ា។ 

លោកក៏បានជូនពរដល់គ្រីស្តបរិស័ទ ទាំងអស់ក្នុង ឱកាសឆ្នាំថ្មី ឲ្យបានពោរពេញដោយពន្លឺ ឲ្យបងប្អូនបន្តស្រឡាញ់ បន្តរបម្រើ បន្តរប្រកាសនៅក្នុងកាលីឡេ នៅទីនេះ ដើម្បីឲ្យកម្លាំងនៃជីវិតថ្មី បាញ់មនុស្សទាំងអស់ ឲ្យមានកម្លាំងសារជាថ្មី និងមានសេចក្តីសង្ឃឹមសារជាថ្មី ។

បន្ទាប់ពីធម្មទេសនា សម្រាប់បុណ្យដ៏ឱឡារិកនេះ​លោកអភិបាលអូលីវីយេ ធ្វើទទួលអគ្គសញ្ញាជ្រមុជទឹក​ឲ្យ បងប្អូន ជាមនុស្សេពេញវ័យ និងកូនង៉ែត ចំនូួន៥០នាក់​ដើម្បីឲ្យពួកទទួលជីវិតថ្មីរួមជាមួយព្រះយេស៊ូ។ ​

លោក​​អ៊ុយ ផើង ជាអ្នកទទួលអគ្គសញ្ញាជ្រមុជទឹកថ្មី មកពីព្រះសហកមន៍កាតូលិកកំពង់អំពិល ក្នុងខេត្តតាកែវ​ឲ្យដឹងថា លោកពិតជាមានអំណរខ្លាំងណាស់ ព្រោះថា​តាំងពីជឿលើព្រះយេស៊ូ ពីជីវិតរបស់លោកបានផ្លាស់ប្រែច្រើន អំពីរបៀបរស់នៅ មានសេចក្តីសង្ឃឹម និងផ្លូវចិត្ត ឲ្យបើកទូលាយច្រើនណាស់ស្រឡាញ់បងប្អូន។​ លោកផើងក៏បានប្រកាសជំនឿថា៖ “ព្រះយេស៊ូពិតជារស់ និងគង់ក្នុងរូបខ្ញុំពិតមែន”។   ទោះបីមានការរិះគន់ខ្លះអំពីការប្តូរជំនឿតែលោកនៅតែមានកម្លាំងជួបបងប្អូនអ្នករិះគន់ទាំងនោះ។

ចំណែកលោកយាយ ម៉ម សឿន ដែលមានវ័យ ៧៧ឆ្នាំ មកពីព្រះសហគមន៍សន្តប៉ូល មានប្រសាសន៍ស្រដៀងនឹងលោក អ៊ុយ ផើងដែរ៖ ថ្ងៃនេះពិតជាពេលត្រូវអរព្រះគុណព្រះជាម្ចាស់ខ្លាំងណាស់ ដែលព្រះអង្គបានត្រាស់ហៅឲ្យទទួលជីវិត្តថ្មី រួមជាមួយព្រះយេស៊ូ។ លោកយាយបន្តរថា នេះជាអំណរសប្បាយពិតប្រាកដ​ដែលោកយាយមិនដែលបានជួប ។ ក្នុងគ្រួសាររបស់ព្រះគ្រីស្តនាំឲ្យលោកយាយ មានសង្ឃឹមថ្មី និងអំណរសប្បាយពិតប្រាកដ។

រីឯយុវតី មុី គីមលីន មកពីព្រះវិហារសន្តីម៉ារីញញឹម ចំការទៀង បានឲ្យថា៖ រីករាយណាស់ដែលទទួលជីវិតថ្មីរួមជាមួយព្រះគ្រីស្ត ។ មានប្រកាសថា នឹងខិតខំថែរក្សាជីវិតថ្មីនេះឲ្យ​ជាប់ជាមួយពន្លឺរបស់ព្រះគ្រីស្ត ព្យាយាមប្រព្រឹត្តអំពើល្អ ចំពោះអ្នកដទៃ។

បុណ្យចម្លងឬបុណ្យព្រះយេស៊ូមានព្រះជន្មរស់ឡើងវិញឆ្នាំ២០១៧ មានបងប្អូន ទទួលជីវិតថ្មីតាមរយៈអគ្គសញ្ញាជ្រមុជទឹក ក្នុងភូមិភាគភ្នំពេញចំនួនប្រមាណ ១២៨នាក់ ដោយឡែកក្នុងខេត្តតាកែវមានចំនួន៦៩នាក់ ។ ទូទាំងប្រទេស មានចំនួនប្រមាណជា៣០០នាក់​ដែលទទួលអគ្គសញ្ញាជ្រមុជក្នុងព្រះសហគមន៍កាតូលិក។

២៨ មីនា ២០១៧

យុវជននៃ​ព្រះសហគមន៍អំពៅព្រៃ រួមសហការជាមួយ​ថ្នាក់ដឹកនាំ​នៃមណ្ឌលសកម្មភាព​តាខ្មៅ​ បាន​សាងសង់បង្គន់ ចំនួន​៤៥​ សម្រាប់​​គ្រួសារ​ជនក្រីក្រ​នៅ​ភូមិបឹង៩៤ ឃុំកណ្ដោក ស្រុក​​​ កណ្ដាលស្ទឹង ខេត្ត កណ្ដាល ដែលចាប់ផ្ដើមពីពាក់កណ្ដាលខែ កុម្ភះ ឆ្នាំ២០១៧ រហូតមកដល់ថ្ងៃទី ២៨​​ ខែ មិនា ឆ្នាំ ២០១៧ នឹងគ្រោង​បញ្ចប់នៅមុនបុណ្យចូលឆ្នាំខ្មែរខាងមុខនេះ ដើម្បី​ថែរក្សា​បរិស្ថាន និង​សុខភាព​អ្នកភូមិ​។​

លោក​ពន្លក ពន្លឺ អាយុ ៤៧ឆ្នាំ ជាអ្នក​ភូមិ​​បាននិយាយ​ថា ប្រជាជនក្នុងភូមិបឹង៩៤ ប្រមាណ​ជា​៩៩ភាគរយ​ ដែលគ្មានបង្គន់ប្រើប្រាស់ ភាគច្រើនគ្មានលទ្ធភាព និងមួយចំនួនទៀតពុំបានដឹងច្បាស់ពីផលប៉ះពាល់។​ ហើយលោកបន្ដថា ការធ្វើបង្គន់គឺ មួយគ្រួសារត្រួវបង់វិភាគទាន ៤០០០០រៀល ដែលមានការយល់ព្រមពីគ្រួសារទាំង​​​ ៤៥គ្រួសារ ហើយផ្នែកនៅសល់ខាងម្ចាស់ជំនួយជាអ្នកផ្គត់ផ្គង់ ហើយក្នុងនោះក៏មានការជួយយ៉ាងសរស្រាកសរស្រាំ ពីយុវជនសាមគ្គី របស់ព្រះសហគមន៍អំពៅព្រៃ ទោះបីអាកាសធាតុក្ដៅ យ៉ាងណាក៏ដោយក៏ពួកគេ​ ព្យាយាមអស់ពីកម្លាំងកាយ កម្លាំងចិត្ត ហើយពួកគេមានអារម្មណ៍សប្បាយរីករាយ និង​ធ្វើ​ដោយក្ដីស្រលាញ់។ លោកសូមថ្លែងអំណរអរគុណយ៉ាងខ្លាំង ដល់អស់ម្ចាស់ជំនួយ លោកឪពុក ហ្គេហ្សី ម៉ារីយូ និង អ្នកគ្រួ ម៉ែន ថារី ដែលជួយសហការយ៉ាងសកម្ម ដែលធ្វើអោយបង្គន់ ចាប់ផ្ដើមមាននៅក្នុងភូមិ ដ៏ក្រីក្រមួយនេះ ដែលជាផ្នែកមួយយ៉ាងធំ ក្នុងការការពារបរិស្ថានក្នុងប្រទេស និងពិភពលោកទាំងមូល។ លោកថា ក្នុងនាមយើងជាអ្នកភូមិបឹង៩៤ ក៏សូមសន្យាថា និងជួយថែរក្សា បង្គន់អោយបានល្អ ទៅតាមលទ្ធភាពដែលអាចធ្វើទៅបាន។

យុវនារី ផូ ស្រីល័ក្ខ ជាសមាជិកក្រុមសាមគ្គី របស់ព្រះសហគមន៍អំពៅព្រៃមានអារម្មណ៍សប្បាយយ៉ាងខ្លាំង ដែលបានចុះជួយអ្នកភូមិបឹង៩៤ ដោយ​សារអ្នកភូមិ មានទំនាក់ទំនងយ៉ាងល្អ ជាមួយក្រុមពួកគាត់ ប៉ុន្ដែអ្វីដែលខ្វះខាតនោះ គឺអនាម័យនៅក្នុងភូមិនោះផ្ទាល់តែម្ដង។ ស្រីល័ក្ខ​បន្តថា​ ខ្ញុំក៏​មានគំនិតចង់ជួយ អស់ពីលទ្ធភាពរបស់ផងដែរ ចង់​បង្កើតក្រុមកាយរិទ្ធ នៅក្នុងភូមិមួយនេះទៀតផង​ ដោយសារមានក្មេងៗច្រើន ដែលត្រូវការអប់រំបន្ថែមផ្នែក អនាម័យ និងចំណេះដឹងផ្សេងៗ។

យុវនារី ទួន រ័ត្នមុនី ជាអ្នកភូមិ​ បឹង៩៤ សព្វថ្ងៃរស់នៅក្នុងមណ្ឌល ហើយក៏ជាសមាជិកក្រុម​ សាមគ្គី របស់ព្រះសហគមន៍អំពៅព្រៃ  បានអោយដឹងថា ការរស់នៅភូមិបឹង៩៤ មានការពិបាកខ្លាំង ទាំងប្រាំង ទាំងវស្សា ហើយ​ក្នុងវដូវស្សា តែងមានទឹកជំនន់ ដែលធ្វើអោយលិចទំនប់ សិស្សមានការពិបាកក្នុង​ការទៅរៀន​ ដោយសារសាលានៅឆ្ងាយ ហើយក្នុងភូមិគ្មានមណ្ឌលសុភាព សាលារៀន។ កញ្ញាបន្តថា​ ប្រជាជននៅទីនោះតែងប្រើទូកជាមធ្យោបាយធ្វើដំណើរនៅពេលខែវស្សា រីឯ​រដូវប្រាំង ពុំសូវមាន​ទឹកប្រើប្រាស់។ ប្រជាជនភាគច្រើនជាគ្រួសារក្រីក្រ ដែលជាហេតុធ្វើពួកគាត់ពុំសូវយល់ច្បាស់ពីការពារបរិស្ថាន និង​ការប៉ះពាល់នៃបរិស្ថាន​ គឺការបន្ទោបង់ពាសវាលពាសកាល នៅតាមព្រៃ និងក្នុងទឹកបឹងផ្ទាល់ ដែលជាហេតុធ្វើអោយប្រជាជននៅទីនោះឈឺច្រើន។ យុវតីថា មានចិត្ត​សប្បាយរីករាយយ៉ាងក្រៃលែងដោយសារ លោកឪពុក ហ្គេហ្សី ម៉ារីយូ និងអ្នកគ្រូ ម៉ែន ថារី បានជួយស្វះស្វែងរកជំនួយ ដូចជាសព្វថ្ងៃបានជួយជាអណ្ដូងទឹកចំនួន ៤ ដែលធ្វើអោយមានទឹកគ្រប់ប្រាំង គ្រប់វស្សា ជាពិសេសការធ្វើបង្គន់៤៥បង្គន់ ដែលធ្វើអោយភូមិ មានបរិស្ថានល្អ និងមានអនាម័យ។

​យុវជន​សាមគ្គី​នៃ​ព្រះ​សហគមន៍​អំពៅ​ព្រៃ តែង​តែ​មាន​សកម្មភាព​សួរសុខទុក្ខ​​គ្រួសារដែលខ្វះខាតនៅតាមភូនិនានា​ជារៀង​រាល់​ខែ។  ​ក្រៅពី​អ្នក​ភូមិ​ខាងលើ​ យុវជន​បាន​សង្កេត​ឃើញ​ថា​ មាន​គ្រួសារជា​ច្រើន​ទៀត​ដែល​​ត្រូវការ​ បង្គន់ អណ្ដូងទឹក ភ្លើង សាលារៀន មណ្ឌលសុខភាព និងការចុះបង្រៀនបន្ថែម ពីអនាម័យ និងការការពារបរិស្ថាន។

ដោយ​ អ៊ុក​ សំនៀង​

២៣ មីនា ២០១៧

“កាយសម្បទា(ខ្ញុំ)មិនគ្រប់លក្ខណៈទេ តែខ្ញុំអាចធ្វើការបាន។ ខ្ញុំមានអំណរសប្បាយ និងស្រឡាញ់ការងារនេះណាស់។” នេះជាសំដីរបស់បុរសពិការកាយសម្បទា ឈ្មោះពុំ សារ៉ាន់ ដែលកំពុងធ្វើការងារនៅក្នុងសិប្បកម្មស្ករគ្រាប់ ដែលស្ថិតក្នុងកម្មវិធីសហគ្រិនសង្គមរបស់ព្រះសហគមន៍កាតូលិកភូមិភាគភ្នំពេញ ។

លោកពុំ សារ៉ាន់ បន្ថែមថា សហគ្រិនសង្គមបានផ្តល់ឱកាសការងារដែលអង្គភាពមួយចំនួនមិនទទួលនិងជាការងារមានភាពងាយស្រួលសម្រាប់ជនពិការ ដោយទទួលបានប្រាក់ខែសមរម្យដើម្បីសម្រាលបន្ទុកគ្រួសារឲ្យផុតពីភាពលំបាក។ ស្រដៀងគ្នានេះ អ្នកស្រី នៅ ឡាយ ជាអ្នកតម្បាញក្រមាសូត្រនៅខេត្តតាកែវ បានឲ្យដឹងដែរថា កម្មវិធីនេះ បានជួយសម្រួលដល់សុខភាពអ្នកស្រី និងផ្តល់ប្រាក់កម្រៃសមល្មមសម្រាប់ចិញ្ចឹមគ្រួសារ។

អ្នកស្រីឲ្យដឹងថា “អាចរកចំណូលបានចន្លោះ១៣០ ទៅ១៤០ដុល្លាក្នុងមួយខែ អាស្រ័យលើចំនួនក្រមាដែលធ្វើបាន"។ ពុំ សារ៉ាន់ និង នៅឡាយ សព្វថ្ងៃ បម្រើការងារ ក្នុងរោងសិប្បកម្មផលិតស្ករគ្រាប់ ពីផ្លែដូង ចេក ស្វាយ .. ដែលជាគម្រោងមួយ នៃសហគ្រិនសង្គមនៃព្រះសហគមន៍កាតូលិកភូមិភាគភ្នំពេញ។

សហគ្រិនសង្គមនៃព្រះសហគមន៍កាតូលិកភូមិភាគភ្នំពេញ បានបង្កើតឡើងកាលពីចុងឆ្នាំ២០១៥ និងមានសិប្បកម្មជាច្រើនដូចជា សិប្បកម្មស្ករគ្រាប់ ដែលផលិតដោយជនពិការ សិប្បកម្មតម្បាញសូត្រ ផលិតដោយស្ត្រីក្រីក្រនៅភូមិចំការទៀង សិប្បកម្មអំបោសស្លឹកដូង ផលិតដោយស្ត្រីជាម្តាយជនពិការ សិប្បកម្មកាត់ដេរ ផលិតដោយស្ត្រីពិការ សិប្បកម្មដំណាប់ កសិដ្ឋានចិញ្ចឹមសត្វ និងកសិកសិកម្មដំណាំហូបផ្លែ និងបន្លែចម្រុះ។ល។

កម្មវិធីទាំងនេះបានបង្កើតឡើងដោយមានការសហការជាមួយស្ថាប័នបេសកកម្មកាតូលិក អូស្ត្រាលី (CATHOLIC MISSION AUSTRALIA)។ លោក ថុន សុជាតិ អ្នកទទួលខុសត្រូវកម្មវិធីសហគ្រិនសង្គមនេះបានឲ្យដឹងថា សហគ្រិនសង្គមគឺជាកម្មវិធីអាជីវកម្មមួយដែលបង្កើតឡើងដើម្បីឲ្យអ្នកក្រីក្រនិងជនពិការអាចចូលរួមនៅក្នុងសង្គម។

លោកថា សហគ្រិនសង្គមបានចូលរួមយ៉ាងសកម្មក្នុងការបង្កើនប្រាក់ចំណូលបន្ថែមដើម្បីបំពេញតាមតម្រូវការរបស់ប្រជាជនដែលរស់នៅក្នុងភាពក្រីក្រ។ ក្នុងឆ្នាំបន្ទាប់ សហគ្រិនសង្គមនឹងគ្រោងបង្កើតកម្មវិធី សិប្បកម្មនិងកែច្នៃម្ហូបអាហារនិងសម្ភារមួយចំនួនបន្ថែមទៀត៕ ដោយដាលីស

២២ មីនា ២០១៧
បុណ្យឆ្លងអារាម ដូនជីកាតូលិក នៃក្រុមគ្រួសារគ្រីស្ទានដុកឌ្រីន​ (Sisters of Christian Doctrine)នៅខេត្តពោធិ៍សាត់ ដែលបានប្រារព្ធកាលពីថ្ងៃទី២២ ខែមីនា ឆ្នាំ២០១៧ កន្លង ក្រោមអធិបតីភាពលោក អេនរីគេ ហ្វីការេដូ អភិបាលព្រះសហគមន៍កាតូលិកភូមិភាគបាត់ដំបង ដែលមានការចូលរួមពីសំណាក់លោកបូជាចារ្យ បងប្រុស បងស្រី ព្រមទាំងអាជ្ញាធរមូលដ្ឋាន និងបងប្អូនគ្រីស្តបរិស័ទ យ៉ាងច្រើនកុះករ ។
 
ថ្លែងក្នុងពិធីដ៏ឱឡារិកនេហលោកអភិបាលអេនរីគេ ហ្វីការេដូ បានអបរអរជាមួយក្រុមដូនជី នៃក្រុមគ្រួសារគ្រីស្ទានដុកឌ្រីននៅខេត្តពោធិ៍សាត់ ដែលបានឈានមកដល់ដំណាក់កាលដ៏ល្អ គឺមានទីតាំងមួយ ដ៏ល្អ និងសមរម្យ សម្រាប់ការធ្វើសកម្មភាពនានា គាំពារចំពោះកុមារ យុវជន និងប្រជាពលរដ្ឋនៅក្នុងតំបន់នេះ ។​  លោកអភិបាលថ្លែងថា៖ ផ្ទះនេះ នាំឲ្យបងស្រី អាចប្រៀបធៀបដូចជា ផ្ទះនៅ​ប្រទេសកូរ៉េ ជាស្រុកកំណើតរបស់បងស្រីផ្ទាល់ ។ លោកថា​ ផ្ទះនេះប្រៀបដូចជា ដំណាក់របស់ព្រះជាម្ចាស់ នៅក្នុងការ ទំនាក់ទំនង និងបម្រើបងប្អូនក្នុងវិស័យការអប់រំ ។ ផ្ទះនេះ ក៏ជួយលើកទឹកចិត្តក្រុមបងស្រីផងដែរ ក្នុងការបង្រៀនក្មេងៗ ដោយឲ្យពួកគេយកចិត្តទុកដាក់ក្នុងការរៀនសូត្រ ។ យើងម្នាក់ៗមានសេចក្តី សង្ឃឹមថា ព្រះជាម្ចាស់គង់នៅជាមួយយើងគ្រប់ពេលវេលា ។
 
ក្នុងពេលនោះដែលលោកអភិបាល ក៏មានប្រសាសន៍ទៅកាន់ក្រុមដូនជីកាតូលិកដែលរស់នៅក្នងអារាមនេះឲ្យចិត្តទុកដាក់ គឺនៅពេលបងស្រីមានបេសកកម្ម គឺជាឱកាសរបស់បងស្រី ដើម្បីអធិដ្ឋាន ដោយយកពេលវេលាទំនាក់ទំនងជាប់ជានិច្ច ជាមួយព្រះជាម្ចាស់ ។ មួយទៀត រាល់ការប្រព្រឹត្តិនានា របស់បងស្រី គឺជាការបង្ហាញខ្លួន និងបង្ហាញនូវអត្តសញ្ញាណរបស់ខ្លួនជាគ្រីស្តបរិស័ទ ទាំងពាក្យសំដី ការរស់នៅ បង្ហាញនូវវត្តមានរបស់ព្រះជាម្ចាស់ គឺបង្ហាញនូវព្រះភក្រ្តព្រះយេស៊ូ បង្ហាញសេចក្តីស្រឡាញ់ ចិត្តមេត្តាករុណា ដោយស្វាគមន៍អ្នកក្រីក្រ ជួយអប់រំ និងការជួយការពារបរិស្ថានជាដើម។
 
លោកអភិបាលបន្តថា ចំពោះរបៀបបម្រើអ្នកដទៃ គឺជាការបង្ហាញនូវភក្តីភាពរបស់ព្រះជាម្ចាស់ គឺរាល់ពេលដែបម្រើអ្នកក្រីក្រ អ្នកជម្ងឺ គឺបង្ហាញព្រះហឫទ័យព្រះជាម្ចាស់ផ្ទាល់ ។ ​សេចក្តីនេះប្រៀបបីដូចជាយើងបានទៅសួរសុខទុក្ខព្រះជាម្ចាស់ ដោយនាំដំណឹងល្អ និង ព្រះហឫទ័យមេត្តាករុណា របស់ព្រះអង្គ ទៅដល់ពួកគេ។ ជាចុងក្រោយលោកថា គឺ ជីវិតនៃការអប់រំជំនឿ យើងបានបង្ហាញអំពីភក្តីភាពចំពោះព្រះយេស៊ូ ដោយចែករំលែកជីវិតរបស់យើង ដល់អ្នកដទៃ ។ នៅក្នុងជីវិតរបស់យើងមិនអាចខ្វះបាន នូវចំណុចទាំងនេះ ដែលជួយយើងក្នុងការបង្ហាញ ព្រះហឫទ័យមេត្តាករុណារបស់ព្រះជាម្ចាស់ ។
 
បងស្រីឃុន កាព្រីអ៊ែល ប្រធានក្រុមដូនជី នៃគ្រួសារគ្រីស្ទានដុកឌ្រីន មកពីប្រទេសកូរ៉េថ្លែងអំណរគុណដល់លោកអភិបាល ព្រះសហគមន៍កាតូលិកភូមិភាគបាត់ដំបង លោកបូជាចារ្យ បងប្រុស បងស្រី ព្រមទាំង អាជ្ញាធរមូលដ្ឋាន​ ព្រមទាំងបងប្អូនគ្រីស្តបរិស័ទ ដែលបានជួយគាំទ្រ នូវសកម្មភាពនានា របស់ក្រុមគ្រួសារបងស្រីដែលរស់នៅទីនេះ ។
 
លោកចៅសង្កាត់បន្ទាយក្តី ក្រុងពោធិ៍សាត់ បានមានប្រសាសន៍ ក្នុងនាមរូប លោក ជាថ្នាក់ដឹកនាំអាជ្ញាធរមូលដ្ឋាន លោកគាំទ្រនូវសកម្មភាពទាំងឡាយ របស់ក្រុមដូនជីន ដែលបានធ្វើសកម្មភាពបម្រើលើការអប់រំដល់កុមារ និងយុវជន ។ លោកក៏រីករាយក្នុងការសហការ​ជាដូនជី ដើម្បីឲ្យកិច្ចការទាំងឡាយ ដែលក្រុមបងស្រីបានធ្វើ បានក្លាយទៅជាប្រយោជន៍ដល់ប្រជាពលរដ្ឋក្នុងមូលដ្ឋាននេះ ។ ប្រធានក្រុមដូនជី នៃគ្រួសារគ្រីស្ទានដុកឌ្រីន ប្រចាំប្រទេសកម្ពុជា ដូនជី ម៉ារី ដូមី គីម​ ប៊ុន ស៊ុន មានប្រសាសន៍ថា ក្រុមនេះបានមកដល់ប្រទេសកម្ពុជាក្នុងខែមីនា ឆ្នាំ២០១០ ។ មកដល់ព្រះសហគមន៍ខេត្តពោធិ៍សាត់ នៅឆ្នាំ២០១២ ដោយបានចាប់ផ្តើមសកម្មភាពជាមួយ និងកម្មវិធីសាលាមត្តេយ្យ ក្នុងព្រះសហគមន៍ កាតូលិកខេត្តពោធិ៍សាត់ ។ ក្រោយរយៈពេលមករស់នៅខេត្តពោធិ៍សាត់នេះ ក្រុមគ្រួសារបងស្រីខិតខំ រៀនភាសាខ្មែរបណ្តើរ និងធ្វើសកម្មភាពលើកិច្ចការអប់រំ នៅតាមភូមិផ្សេងៗ។
 
ដូនជីប្រធាន​រូបនេះ បន្តថា ដោយសារមើលឃើញគ្រួសារជាច្រើន មានជីវភាពក្រីក្រ ហើយមានក្មេងៗជាច្រើនាក់ ពួកគេមិនបានរៀនសូត្រ ព្រោះគ្មាននរណាជួយពួកគេ ។ ដូច្នេះក្រុមនេះបានចាប់ផ្តើមគាំទ្រកម្មវិធីសាលាបឋមសិក្សា សាលាមត្តេយ្យ និងរៀបចំបណ្ណាល័យ នៅតាមភូមិចំនួន៥ ។​ ជាមួយគ្នានេះក៏បាន គាំពារអ្នកក្រីក្រ ចាស់ជរា ស្ត្រីមេម៉ាយ ក្មេងកំព្រា និងបានសាងសង់ផ្ទះជូនគ្រួសារក្រីក្រមួយចំនួនផងដែរ ។ 
ជានេះទៅទៀត ជារៀងរាល់ថ្ងៃអាទិត្យ ក្រុមដូនជីនេះបានជួយអប់រំជំនឿក្មេងៗ នៅព្រះវិហារ ព្រមទាំងបង្រៀនភាសាអង់គ្លេសដល់ពួកគេផង ។ 
 
អារាមថ្មីមានទីធ្លា ធំទូលាយ មានកន្លែងស្នាក់ច្រើន មានអាគារស្អាត។ ហេតុនេះដូនជី ម៉ារី ដូមី គីម​ ប៊ុន ស៊ុន និយាយថា សូមទទួលស្វាគមន៍ បងប្អូនទាំងអស់ ដែលចង់មកជួបជុំគ្នាអធិដ្ឋាន ឬសំណាក់ធម៌ជាដើម ។
 
ដូនជី ម៉ារី ដូមី គីម​ ប៊ុន ស៊ុន ក៏បញ្ជាក់ឲ្យដឹងថា អំពីគម្រោងសម្រាប់អនាគត នឹងរៀបចំមណ្ឌលមួយ ដែលមានឈ្មោះ មណ្ឌលសន្តីអាណា សម្រាប់ទទួល សិស្សក្រីក្រ ឲ្យស្នាក់នៅ និងបន្តរការសិក្សារៀនសូត្រ ៕ 
 
ដោយ៖ ឡុង សម្ផស្ស
២១ មីនា ២០១៧

សិក្ខាកាមជាស្រ្តីចំនួន៥៥នាក់ ទទួលវិញ្ញាបនបត្របញ្ជាក់ការសិក្សា ក្រោយពីបាន សិក្សា នៅមជ្ឈមណ្ឌលបណ្តុះបណ្តាលជំនាញវិជ្ជាជីវៈស្រ្តី របស់អង្គការការីតាសបាត់ដំបង អស់រយៈ ពេលពី៦ ខែ ដល់១ឆ្នាំ ។

ពិធីប្រគល់វិញ្ញាបនបត្រនេះ បានប្រព្រឹត្តទៅនាព្រឹកថ្ងៃទី២១ ខែមីនានេះ ក្រោមអធិបតីលោក អេនរីគេ ហ្វីការេដូ អភិបាលព្រះសហគមន៍កាតូលិកភូមិភាគបាត់ដំបង និងជាប្រធានក្រុមប្រឹក្សា ភិបាល នៃអង្គការការីតាសកម្ពុជា ឯកឧត្តមនឹម ថូ រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនិតិ សម្បទា ប្រធានអង្គការការីតាសកម្ពុជា ព្រមទាំងអាណាព្យាបាល រួមនិងសិស្សានុសិស្ស ជាច្រើនរូប ។

លោកអភិបាលអេនរីគេ ហ្វីការេដូ បានមានប្រសាសន៍ថា៖ នៅថ្ងៃនេះ ជាថ្ងៃពិសេស គឺយើង ពិតជាមានអំណរសប្បាយ និងរីករាយចំពោះលទ្ធផល ដែលយើងមាននាឱកាសនេះ ។ ទាំងថ្នាក់ ដឹកនាំ បុគ្គលិក លោកគ្រុអ្នកគ្រូ អាណាព្យាបាល ព្រមទាំងសិក្ខាកាមទាំងអស់ ដែលបានសិក្សានៅ ក្នុង មជ្ឈមណ្ឌលបណ្តុះបណ្តាលជំនាញវិជ្ជាជីវៈសម្រាប់ស្ត្រី របស់អង្គការការីតាស គឺគ្រប់គ្នាបាន សហការគ្នា បានយ៉ាងល្អ ដែលនាំឲ្យយើងសម្រេចបាននូវផលផ្លែល្អ ហើយនាំឲ្យយើងទៅខាងមុខ ។ ប្រសិនបើយើងមិនចេះសហការគ្នា យើងមិនចេះធ្វើការជាមួយគ្នា នោះយើងមិនអាចទៅខាងមុខ បាននោះទេ ។

លោកអភិបាលបន្តថា អ្វីដែលបងប្អូនទទួលបានពីទីនេះ គឺទទួលបានចំណេះដឹងខាងមុខរបរ ចំណេះ អំពីជីវិត និងបទពិសោធន៍ដែលមានតម្លៃនាំឲ្យយើងដើរទៅខាងមុខ ។ ការងារអង្គការការីតាស ជួយ ឲ្យ អ្នកដែលមានបញ្ហានៅក្នុងជីវិត ដែលក្រ មិនមានមធ្យោបាយ មិនមានចំណេះ មិនមានមុខរបរ ជួយ ឲ្យពួកគេបានទទួលតម្លៃនៃជីវិត ដើម្បីងើបឡើងដើរឆ្ពោះទៅខាងមុខ ដោយជំនះនូវគ្រប់ឧបសគ្គក្នុងជីវិត ដែលខ្លួនមាន ។

លោកអភិបាលបានផ្តាំផ្ញើដល់មាតាបិតា និងអាណាព្យាបាលទាំងអស់ សូមជួយបន្តគាំទ្រ កូនៗរបស់ ខ្លួន ដើម្បីអាចក្រោកឈរ និងដើរទៅមុខទៀត ក្នុងការទទួលបានការងារល្អ សម្រាប់ជួយឲ្យជីវភាព ក្រុមគ្រួសារកាន់តែប្រសើរ។

ឯកឧត្តមនឹម ថូ រដ្ឋលេខាធិការក្រសួងសង្គមកិច្ច អតីតយុវជន និងយុវនិតិសម្បទា បានមាន ប្រសាសន៍លើកទឹកចិត្ត ដល់សិក្ខាកាមទាំងអស់ ឲ្យខិតខំប្រឹងប្រែងរៀនសូត្រ ក្របយកចំណេះវិជ្ជា ទាំងនេះ ដើម្បីអនាគតរបស់ខ្លួននិងក្រុមគ្រួសារ ។ លោកសម្តែង នូវការអបអរសាទរចំពោះសិក្ខាកាម ដែលបានបញ្ចប់ការសិក្សានាពេលនេះ ហើយក៏ សូមអបអរសាទរ នូវស្នាដៃ ដែលកើតមកពីការខិតខំ ប្រឹងប្រែងសិក្សាកន្លងមកនេះ។ ពេលមុនយើងមិនបានរៀន យើងមិនចេះ ប៉ុន្តែចាប់ពីពេលនេះតទៅ យើងបានរៀន បានយើងចេះ យើងមានបទពិសោធន៍ យើងមានចំណេះជំនាញ យើងអាចរកការងារ ធ្វើ ដែលអាចធ្វើឲ្យជីវិតរបស់យើង មានអនាគតល្អជាងមុន ។ កាលពីយើងមិនបានរៀន យើងនៅ ងងឹត ដល់ពេលឥឡូវយើងបានភ្លឺជាងមុន ។

ជាមួយគ្នានេះ ឯកឧត្តម ក៏សូមថ្លែងអំណរគុណដល់អង្គការការីតាសកម្ពុជា ដែលបានជួយដល់ប្រជាពលរដ្ឋខ្មែរ នៅក្នុងការកសាងជីវភាពថ្មី ពីការរៀនយកជំនាញពីមជ្ឈមណ្ឌលនេះ ។ សូមឲ្យក្មួយស្រីទាំងអស់ ដែលមានរៀនចប់ពីទីនេះ សូមយកចំណេះជំនាញរបស់ខ្លួន ទៅប្រកបរបរចិញ្ចឹមជីវិត ដើម្បីអនាគតសម្រាប់ខ្លួន និងកូនចៅរបស់ខ្លួន ។

អ្នកស្រីគុណ គឹមស្រ៊ាង ប្រធានគ្រប់គ្រងមជ្ឈមណ្ឌលបណ្តុះបណ្តាលជំនាញវិជ្ជាជីវៈសម្រាប់ ស្រ្តី របស់អង្គការការីតាស បានលើកឡើងថា មជ្ឈមណ្ឌលបណ្តុះបណ្តាលជំនាញវិជ្ជាជីវៈនេះ ត្រូវបានសាងសង់ឡើង ក្នុងគោលបំណងដើម្បី ជួយស្រ្តីក្រីក្រ មានវិបត្ត គឺផ្តល់ពួកគាត់ឲ្យមានជំនាញវិជ្ជាជីវៈ សម្រាប់ប្រកបរបរចិញ្ចឹមជីវិត ដោយផ្តល់ទាំង ចំណេះ ជំនាញ ព្រមទាំងអប់រំអំពីសុខភាពផ្លូវចិត្ត និងបំណិនជីវិតនោះផង។

អ្នកស្រីប្រធានគ្រប់គ្រងមជ្ឈមណ្ឌលបានបន្តថា មណ្ឌលនេះធ្វើការជាមួយស្ត្រី ដែលរងគ្រោះពី អំពើហឹង្សាក្នុងគ្រួសារ ស្ត្រីជួបវិបត្តិ ស្ត្រីរងគ្រោះនានា និងស្ត្រីដែលជាម្តាយវ័យក្មេង ដែលមិនមានឱកាសដើម្បីសិក្សាជំនាញផ្សេងៗ ខណៈពួកគេ មានកូននៅពេលវ័យក្មេងនោះ ។

អ្នកស្រី ថង ចន្ធី ជាតំណាងអាណាព្យាបាល ចាប់អារម្មណ៍ និងថ្លែងអំណរគុណដល់អង្គការការីតាស ដែលបានបង្កើតកម្មវិធី និងសាលាដើម្បីបណ្តុះបណ្តាលវិជ្ជាជីវៈ ដល់យុវនារី និង ស្ត្រីជាម្តាយ វ័យ ក្មេង។ អ្នកស្រីបានថ្លែងថា សូមអរគុណដល់អង្គការការីតាស ដែលបានបង្កើតមណ្ឌលបណ្តុះ បណ្តាល វិជ្ជាជីវៈ ទទួលយុវនារី និងស្ត្រីជាម្តាយវ័យក្មេង ដែលក្រីក្រ ជួបការលំបាក និងគ្មានទីពឹង ឲ្យបានទទួលការអប់រំ ក្រេបយកចំណេះដឹងលើមុខជំនាញផ្សេងៗ សម្រាប់ប្រកបរបរចិញ្ចឹម ជីវិតទៅថ្ងៃអនាគត ។

អ្នកស្រីបន្តថា ក្រៅពីការផ្តល់នូវជំនាញវិជ្ជាជីវៈសម្រាប់ស្រ្តី អង្គការការីតាស បានជួយលើផ្នែក បំណិនជីវិត និងការលើកកម្ពស់តម្លៃរបស់ស្រ្តី គឺជួយឲ្យស្រ្តីចាកផុតពីភាពក្រីក្រ ភាពល្ងង់ខ្លៅ និងជា ពិសេសក៏បានបង្រៀនអំពីការទប់ស្កាត់ វៀសចាកពីការសេពគ្រឿងញៀន ដែលសង្គមកំពុងស្អប់ខ្ពើម និងព្យាយាមលប់បំបាត់នោះ ។

ជាចុងក្រោយក្នុងនាមជាអាណាព្យាបាល អ្នកស្រីបានលើកជាសំណូមពរ និងមានមតិផ្តាំផ្ញើ ដល់អង្គការការីតាសកម្ពុជា មេត្តាបន្តជួយទៅដល់ស្រ្តីខ្មែរជាច្រើនទៀត ដែលកំពុងទទួល រងគ្រោះ ត្រូវការនូវការជួយឧបត្ថម្ភគាំទ្រពីអង្គការដៃគូនានា ។ សូមឲ្យមាតាបិតា និងស្រ្តីទាំងអស់ ដែលរង គ្រោះ និងមានឱកាសបានរៀនសូត្រនៅទីនេះ មេត្តាខិតខំប្រឹងប្រែង និងយកចិត្តទុកដាក់នៅក្នុងការ សិក្សា ដើម្បីរៀបចំអនាគតរបស់ខ្លួនឲ្យបានល្អប្រសើរ ។

ជាសិស្សជំនាន់ទី១ រៀនលើមុខវិជ្ជាសំអាងកាយ និងកែសម្ផស្ស ដែលត្រូវទទួលវិញ្ញាបនបត្រ បញ្ជាក់ការសិក្សា កញ្ញា សារឿន លីណា បានឡើងចាប់អារម្មណ៍ថា ក្នុងឱកាសនេះ កញ្ញាសូមថ្លែង អំណរគុណ យ៉ាងជ្រាលជ្រៅចំពោះអង្គការការីតាស ដែលបានជួយឧបត្ថម្ភគាំទ្រ និងផ្តល់ឱកាសដល់ កញ្ញា ក៏ដូចជាស្រ្តីផ្សេងៗទៀត ឲ្យទទួលបាននូវមុខជំនាញ ក៏ដូចជាមេរៀនបំណិនជីវិតជាដើម ។ កញ្ញាបន្តថា នៅមុនពេលបានចូលរៀននៅទីនេះ កញ្ញាគ្មានជំនាញអ្វីមួយច្បាស់លាស់ សម្រាប់ប្រកប របរចិញ្ជឹមជីវិតនោះឡើយ ប៉ុន្តែក្រោយពីបានរៀននៅទីនេះ និងបន្ទាប់ពីបញ្ចប់ការ សិក្សា នៅទីនេះ កញ្ញាអាចស្វែងរកការងារធ្វើបាន ។ កញ្ញា ក៏សង្ឃឹមថា កញ្ញាអាចមានការងារធ្វើ សមរម្យដូចគេឯង និងអាចមានជីវភាពល្អប្រសើរឡើងជាងមុនផងដែរ ដើម្បីជួយខ្លួនឯង និងជួយ ក្រុមគ្រួសារផង ។

គួរបញ្ជាក់ថា សិក្ខាកាមដែលបានបញ្ចប់ការសិក្សាលើមុខជំនាញទាំងនោះមានដូចជា ជំនាញកាត់ដេរ សំអាងកាយ និងកែសម្ផស្ស សិប្បកម្មកែច្នៃ ផ្នែកធ្វើម្ហូប និងភោជនីយដ្ឋាន និងផ្នែកតម្បាញ ដែលបានទទួលនូវការឧបត្ថម្ភគាំទ្រពីអង្គការការីតាសទាំងស្រុង ក្នុងអំឡុងពេល សិក្សា និងស្នាក់នៅ រហូតដល់បញ្ចប់វគ្គនីមួយៗ ។

នៅក្រោយពិធីចែកវិញ្ញាបនបត្របញ្ជាក់ការសិក្សាដល់សិក្ខាកាមទាំង ៥៥នាក់ហើយនោះ ក៏មានការថតរូបទុកជាអនុស្សាវរីយ៍ ព្រមទាំងអញ្ជើញពិសារអាហារសាមគ្គីរួមគ្នា ក្នុងបរិយាកាស សប្បាយរីករាយយ៉ាងក្រៃលែង ។

សូមរំលឹកថា អង្គការការីតាសកម្ពុជា គឺជាអង្គការមិនមែនរដ្ឋាភិបាល និងជាអង្គការរបស់ ព្រះសហគមន៍កាតូលិកកម្ពុជា ដែលរួមចំណែកលើសកម្មភាពមនុស្សធម៌ និងការអភិវឌ្ឍន៍សង្គម ។ អង្គការការីតាសកម្ពុជា ជាសមាជិកនៃអង្គការការីតាសអន្តរជាតិ ដែលមានការិយាល័យ នៅទីក្រុងរ៉ូម ប្រទេសអ៊ីតាលី ដែលមានបណ្តាញសមាជិកអង្គការការីតាស ចំនួន១៦៧ប្រទេស នៅលើសកលលោក ៕ 

 
ដោយ៖ ឡុង សម្ផស្ស

 

 

២១ មីនា ២០១៧

អតីតការិយាល័យអង្គការការីតាសបាត់ដំបង ស្ថិតនៅប្របមាត់ស្ទឹងសង្កែ ក្នុងសង្កាត់ ស្វាយ ប៉ោ ខេត្តបាត់ដំបង ត្រូវបានរៀបចំធ្វើជាផ្ទះស្នាក់នៅទី៥ សម្រាប់យុវជន និងកុមារពិការ នៃ មណ្ឌលអារ៉ូបពេ នៃព្រះសហគមន៍បាត់ដំបង ។ ផ្ទះនេះ និងទទួលឲ្យស្នាក់នៅ ចាប់ពីធ្វើពិធី ប្រោសទឹកព្រះពរ នារសៀលថ្ងៃទី២១ ខែមីនា ឆ្នាំ២០១៧នេះតទៅ ។

ពិធីបាចទឹកព្រះពរ បានប្រព្រឹត្តិធ្វើឡើងក្រោមអធិបតីភាពរបស់លោកអេនរីគេ ហ្វីការេដូ អភិបាលព្រះសហគមន៍ កាតូលិកភូមិភាគបាត់ដំបង និងមានការចូលរួមពីសំណាក់ អ្នកស្ម័គ្រចិត្ត យុវជន និងកុមារ ផងដែរ ។

មានប្រសាសន៍ទៅកាន់អ្នកចូលរួម និងអស់អ្នកស្នាក់នៅក្នុងផ្ទះនេះ លោកអភិបាលអេនរីគេ ហ្វីការេដូ បានលើកយកនិមត្តិរូប៤យ៉ាង មកបង្ហាញដូចជា ទី១ រូបឈើឆ្កាងព្រះយេស៊ូ ដែល ពិការជើងម្ខាង ក្នុងន័យថា​ ព្រះយេស៊ូព្រះអង្គបានខ្វះ មិនគ្រប់លក្ខណៈ មិនពេញលេញ ដោយយើងដែលជាអ្នកស្នាក់នៅក្នុងផ្ទះនេះ គឺបានបំពេញបន្ថែមលក្ខណៈឲ្យព្រះយេស៊ូ  គឺយើងលែងជាជនពិការទៀតហើយ ។ ប៉ុន្តែយើងទាំងអស់ ត្រូវតែមានសេចក្តីសង្ឃឹម និង តស៊ូ ទៅមុខជានិច្ច ។ ទី២ គឺទៀន ដែលបង្ហាញអំពីលក្ខណៈរបស់អ្នកដែលស្នាក់នៅក្នុង ផ្ទះនេះ ដោយត្រូវធ្វើជាពន្លឺសម្រាប់បំភ្លឺអ្នកដទៃដែរ ។ ទី៣ សត្វកវែង ក្នុងន័យថា​សូមឲ្យ អ្នកស្នាក់នៅក្នុងផ្ទះនេះ ត្រូវមានបេះដូងធំទូលំទូលាយ និងត្រូវមានទស្សនៈវិស័យ វែងឆ្ងាយ ។ ទី៤ ប្រតិទិន គឺនាំឲ្យយើង ជាអ្នកស្នាក់នៅក្នុងផ្ទះនេះ ចេះកត់ត្រា នូវរាល់សកម្មភាព ដែលយើងបានបំពេញជារៀងរាល់ថ្ងៃនូវកិច្ចការនានា ឲ្យយើងចេះចែករំលែកដល់គ្នាទៅវិញ ទៅមកនូវអំណរសប្បាយរីករាយជាដើម ។

តាមគម្រោងផែនការ ផ្ទះនេះ និងរៀបចំទៅជាមណ្ឌលសហគ្រិនមួយរបស់ព្រះសហគមន៍ ភូមិភាគបាត់ដំបង ដើម្បីផ្តល់ការងារដល់យុវជនយុវនារីដែលជាជនពិការ នៃមណ្ឌលអារ៉ូបពេ ដែលបានបញ្ចប់ការសិក្សាលើមុខជំនាញផ្សេងៗ ។

សូមបញ្ជាក់ថា មណ្ឌលទទួលជនពិការអារ៉ូបពេ បានបង្កើតឡើងកាលពីដើមទស្សវត្ស ឆ្នាំ២០០០ ដោយលោកអភិបាលអេនរីគេ ហ្វីការេដូ អភិបាលព្រះសហគមន៍កាតូលិកភូមិភាគ បាត់ដំបង៕ ដោយ៖ ឡុង សម្ផស្ស

១៨ មីនា ២០១៧

លោកអូលីវីយេ ជ្មីហស៊្លែរ អភិបាលនៃព្រះសហគមន៍កាតូលិក កាលពីថ្ងៃទី១៨ ខែមីនា ឆ្នាំ២០១៧កន្លងទៅ បានដឹកនាំលោកបូជាចារ្យ ក្រុមគ្រិស្តបរិស័ទ ប្រធានការិយាល័យមួយ ចំនួន នៃព្រះសហគម៍កាតូលិកភូមិភាគភ្នំពេញ ចូលរួមគោរពវិញ្ញាណក្ខន្ធសម្តេចវិបុល បញ្ញាសុខ អាន នៅគេហដ្ឋាននៃសព ស្ថិតនៅសង្កាត់បឹងរាំង ខណ្ឌ៧មករា ។

ក្រោយពីបានដាក់ការោនផ្កា និងគោរពវិញ្ញាណនៃសពរួច លោកអភិបាលនិងប្រតិភូបាន ជួបសម្តែងការគួរសមជាមួយក្រុមគ្រួសារនៃសពសម្តេចវិបុលបញ្ញាសុខ អាន ក្នុងនោះ លោកអភិបាលបានសម្តែងនូវការចូលរួម រំលែកទុក្ខ និងការសោកស្តាយចំពោះការបាត់បង់ ស្វាមី និងឪពុកដ៏ជាទីស្រឡាញ់របស់ខ្លួន ។

នៅក្នុងសៀវភៅមរណទុក្ខ លោកអភិបាលអូលីវីយេ បានសរសេរថា យើងខ្ញុំទាំងអស់គ្នា ជាតំណាងព្រះសហគមន៍កាតូលិកនៅកម្ពុជា នៅថ្ងៃនេះ សូមចូលរួមសម្តែងនូវការរំលែកទុក្ខ ជាអនេក រួមជាមួយលោកជំទាវអានីសុខ អាន និងក្រុមគ្រួសារទាំងអស់ ។

សូមព្រះជាម្ចាស់ ទទួលវិញ្ញាណក្ខន្ធសម្តេចវិបុលបញ្ញាសុខ អាន នៅក្នុងព្រះរាជ្យព្រះជាម្ចាស់ នៅស្ថានបរមសុខផង ។

គួរបញ្ជាក់ថា លោកសុខ អាន ឧបនាយករដ្ឋមន្ត្រី និងជារដ្ឋមន្ត្រីទទួលបន្ទុកទីស្តីការ គណរដ្ឋមន្ត្រី ដែលបានខិតខំក្នុងពលិកម្មបំរើជាតិជាង៣០ឆ្នាំ ។ ដោយសារមានស្នាដៃ ក្នុងបុព្វហេតុបំរើជាតិមាតុភូមិ នៅថ្ងៃទី១៣ ខែមីនា កន្លងទៅ លោកសុខ អាន ត្រូវបាន ព្រះមហាក្សត្រនៃព្រះរាជាណាចក្រកម្ពុជា គឺព្រះបាទសម្តេចព្រះបរមនាថនរោត្តម សីហមុនី

ត្រាស់បង្គាប់តែងតាំងគោរមងារ ជាសម្តេចវិបុលបញ្ញា ។

សម្តេចវិបុលបញ្ញាសុខ អាន បានទទួលមរណភាពនៅវេលាម៉ោង១៨ និង៣០នាទីរសៀល នាថ្ងៃទី១៥ ខែមីនា ឆ្នាំ២០១៧ នៅមន្ទីរពេទ្យ នៃសាធារណរដ្ឋប្រជាមានិតចិន ដោយរោគា ពាធ ។ សពសម្តេច វិបុល បញ្ញាសុខ អាន បានរៀបចំពិធីបុណ្យគាវរកិច្ចសព និងធ្វើការ ដង្ហែរទៅបូជាតាមប្រពៃណី កាលពីព្រឹកថ្ងៃអាទិត្យ ទី១៩ ខែមីនា ឆ្នាំ២០១៧ នៅមុខវត្ត បទុមវត្តី នារាជធានីភ្នំពេញ ៕

១២ មីនា ២០១៧

គ្រីស្តបរិស័ទរាប់ពាន់នាក់បានមកចូលរួមក្នុងកម្មវិធីខួប៧១ឆ្នាំ នៃមរណសាក្សីហ្វ្រង់ស្វ័រសាវីយេ ត្រឿង ប៊ូយៀប និង បុណ្យឆ្លងរូបសំណាកព្រះនាងម៉ារី នៅព្រះសហគមន៍ផ្លូវត្រី ក្រោមអធិបតីរបស់លោកអូលីវីយេ ជ្មីតអីស្ល៊ែរ ជាអភិបាលព្រះសហគមន៍កាតូលិកភូមិភាគភ្នំពេញ រួមជាមួយលោកបូជាចារ្យជាច្រើនអង្គទៀតនាថ្ងែទី១២មីនា ២០១៧នេះ។

នៅក្នុងពិធីនោះ លោកអភិបាលបានមានប្រសាសន៍ទៅកាន់គ្រីស្តបរិស័ទថា ថ្ងៃនេះយើងអរគុណដល់ លោកឪពុក ប៊ូយៀប ដែលបានប្រមូលយើងយ៉ាងច្រើនជារៀងរាល់ឆ្នាំ ដើម្បីដឹងថាកន្លែងនេះជួយយើងអធិដ្ឋាន ជួបជាមួយព្រះជាម្ចាស់ និងស្តាប់ព្រះជាម្ចាស់។

លោកអូលីវីយេ បានបន្ថែមថា ព្រះជាម្ចាស់បានជ្រើសរើសលោកប៊ូយៀប តាមរបៀបដែលលោកបានបម្រើ និងស្រឡាញ់ព្រះជាម្ចាស់។

លោកបន្តថា “ខ្ញុំជឿថា ព្រះជាម្ចាស់បានជ្រើសរើសយើងទាំងអស់គ្នានៅទីនេះដើម្បីមានជីវិតថ្មីយ៉ាងអស្ចារ្យ ដោយក្នុងទឹកដីភូមិភាគភ្នំពេញ យើងមានមរណសាក្សីជាច្រើន ដូចជាលោកឪពុកប៊ូយៀប លោកអភិបាលឆ្មាសាឡាស… ជាដើម។ល។

លោកថា តាមពិតព្រះជាម្ចាស់បានជ្រើសរើសយើងឲ្យទៅជាអ្នកដ៏វិសុទ្ធ ដើម្បីរស់នៅតាមរបៀបព្រះយេស៊ូ តាំងពីថ្ងៃដែលយើងទទួលអគ្គសញ្ញាជ្រមុជទឹក។

លោកបានដាស់តឿនគ្រីស្តបរិស័ទទាំងអស់ ឲ្យមានការប្រុងប្រយ័ត្ន កុំមានចិត្ត លោភលន់ និងងប់ជាមួយទ្រព្យសម្បត្តិ ដោយនឹកឃើញដល់អត្ថបទព្រះគម្ពីរស្តីអំពីលោកឡាសាល និងអ្នកមាន។

លោកមានប្រសាសន៍ដូចនេះគឺកុំឲ្យយើងភ្លេចខ្លួន រវល់តែចង់បានទ្រព្យសម្បត្តិ ហើយភ្លេចគិតដល់អ្នកតូចតាច ជនអនាថាដែលពិបាក និងគ្មានក្តីសង្ឃឹម។

លោកបន្តថា ហេតុនេះព្រះសហគមន៍ណែនាំឲ្យយើងចេះប្រើទ្រព្យសម្បត្តិរបស់យើងដើម្បីចិញ្ចឹមជីវិតគ្រប់គ្រាន់ និងចេះចែករំលែកដល់អ្នកដទៃផងដែរ។

លោកអភិបាលបញ្ជាក់ទៀតថា កំពូលនៃជីវិតជាគ្រីស្តបរិស័ទគឺ ចែករំលែកសេចក្តីស្រឡាញ់ដូចលោកប៊ូយៀប និងលោកសាឡាស់ ដែលបានស្រឡាញ់រហូតបូជាជីវិតដែរ។ យុវនារី បូផល គ្រីស្តបរិស័ទព្រះសហគមន៍ផ្លូវត្រី បានថ្លែងថា ពិធីបុណ្យរំឭកដល់លោកបូជាចារ្យ ប៊ូយៀប ប្រព្រឹត្តទៅដោយរលូន គឺពិតជាព្រះអំណោយទានដែលព្រះជាម្ចាស់បានចាក់បង្ហូរមកលើព្រះសហគមន៍ផ្លូវត្រីយើងនេះ។

យុវតីក៏បានជូនពរដល់បងប្អូនទាំងអស់ និងចងចាំមិនភ្លេចនូវទឹកចិត្តសប្បុរសរបស់បងប្អូនដែលបានចូលរួមចែករំលែកទាំងថវិកា និងពេលវេលា។

លោកបូជាចារ្យហ្រ្វង់ស្វ័រសាវីយ៉េ ត្រឿង ប៊ូយៀប ជាជនជាតិវៀតណាម ធ្លាប់បានសិក្សានៅទេវវិទ្យាល័យនៅកម្ពុជា។ ក្រោយពីលោកបានតែងតាំងជាបូជាចារ្យកាតូលិក និងបានមកបម្រើព្រះសហគមន៍ផ្លូវត្រី ក្រោយមកលោកបានត្រឡប់ទៅកម្ពុជាក្រោមវិញ ដើម្បីប្រើព្រះសហគមន៍នៅទីនោះ លោកប៊ូយៀប កើតនៅថ្ងៃទី១មករា ១៨៩៧ ហើយនៅថ្ងៃទី១២មីនា១៩៤៦ លោកបានទទួលមរណភាពដោយលោកបានប្តូរជីវិតរបស់ខ្លួនសុំស្លាប់ជំនួសគ្រីស្តបរិស័ទ និងប្រជាជននៅក្នុងសម័យសង្គ្រាម។

ដោយឡែកព្រះសហគមន៍ នៅប្រទេសកម្ពុជា ជាពិសេសព្រះសហគមន៍ផ្លូវត្រីនេះ តែងតែប្រារព្វពិធីរំឭកដល់លោកប៊ូយៀប យ៉ាងឱឡារឹកជារៀងរាល់ឆ្នាំ ព្រោះជាព្រះសហគមន៍ដែលលោកធ្លាប់បម្រើដោយក្តីស្រឡាញ់ និងធ្លាប់បង្ហាញឲ្យអ្នកនៅតំបន់នោះបានឃើញ ក្រោយពេលលោកទទួលមរណភាពផងដែរ។ ពេលនេះព្រះសហគមន៍កំពុងរៀបចំឯកសារនានា ដើម្បីទទួលស្គាល់លោកជាមរណបុគ្គល។

ដោយដាលីស

  1 2 3 4 5 6 7 8 9 10  ...   
 

© Copyright 2014 Catholic Cambodia - All rights reserved.