បងស្រី Irang Virginia សមាជិកនៃក្រុមបងស្រី បុត្រីនៃមេត្តាករុណា បានទទួលមរណភាព

សូមគោរពអញ្ចើញ លោកឪពុក បងប្រុស បងស្រី ទាំងអស់ចូលរួមអភិបូជានៅថ្ងៃទី២៤ ខែកុម្ភៈ

ព្រះវិហារសន្តយ៉ូសែប (ព្រះសហគមន៍ផ្សារតូច) នឹងរៀបចំថ្វាយអភិបូជា គោរពវិញ្ញាណក្ខ័ន្ធរបស់ បងស្រី Irang Virginia នៅថ្ងៃទី២៤ កុម្ភៈ វេលាម៉ោង ៦:១៥នាទីល្ងាច ដែលមានលោកអភិបាលអូលីវីយេ ជ្មីតអីស៊្លែរ ជាធិបតីភាព។

អស់រយៈកាលជិត១០ឆ្នាំដែលបងស្រី Irang Virginia មានបេសសកម្មនៅក្នុងប្រទេសកម្ពុជា។ បងស្រីបានចូលមកប្រទេសកម្ពុជានៅឆ្នាំ២០០១។

ការងាររបស់បងស្រីគឺមើលថែអ្នកជម្ងឺនៅមណ្ឌល ទទួលអ្នកជម្ងឺព្រះវិហារសន្តយ៉ូសែប(ព្រះសហគមន៍ផ្សារតូច) ក្នុងឆ្នាំ២០០១-២០០៦។ ក្នុងឆ្នាំ២០០៦-២០០៨ បងស្រីត្រូវបានជ្រើសតាំងជាបងស្រីប្រធាននៅខេត្តបាត់ដំបង។ នៅឆ្នាំ២០០៩-២០១០បងស្រីជាអ្នកទទួលខុសត្រូវ នៅមន្ទីរពេទ្យព្រះកុមារយស៊ូស្ថិតនៅក្នុងមន្ទីរពេទ្យបង្អែកដូនកែវ ក្នុងខេត្តតាកែវ។

នៅក្នុងខែឧសភា ឆ្នាំ២០១០ បងស្រីបានចាកចេញពីប្រទេសកម្ពុជា ទៅប្រទេសហ្វីលីពីន ដើម្បីសម្រាកព្យាបាលជម្ងឺ។ បងស្រីកើតនៅថ្ងៃទី ២៥ ខែធ្នូ ឆ្នាំ១៩៤៩ ជាជនជាតិហ្វីលីពីន និងជាសមាជិកនៃក្រុមគ្រួសារ បុត្រីនៃមេត្តាករុណា (Daughter of Charity) បានទទួលមរណភាព កាលពីថ្ងៃទី២០ ខែកុម្ភៈ ឆ្នាំ២០១១ វេលាម៉ោង៣ និង៤០នាទីរសៀល ក្នុងជន្មាយុ ៦១ឆ្នាំ នៅប្រទេសហ្វីលីពីន ដោយជម្ងឺមហារីកសួត។